તમિલ ફિલ્મ ‘કંચના’ની બોલિવુડ રીમેકમાં અક્ષયની હીરોઈન બનશે આ એક્ટ્રેસ

‘કંચના’ની બનશે રીમેક

હોરર કોમેડી તમિલ ફિલ્મ ‘કંચના’ની બોલિવુડ રિમેક બની રહી છે. આ ફિલ્મના લીડ રોલમાં અક્ષય કુમાર જોવા મળશે. મળેલી માહિતી પ્રમાણે આ ફિલ્મમાં તેની સિવાય કિયારા અડવાણી અને આર માધવન પણ જોવા મળશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

અક્ષયની સામે જોવા મળશે આ હીરોઈન

ફિલ્મ મેકર્સ કિયારા અડવાણીને જ કાસ્ટ કરવા માગતા હતા. તો બીજી તરફ કિયારાને પણ ફિલ્મની સ્ટોરી પસંદ આવતા તેણે હા પાડી હતી. તો આર. માધવનને પણ ફિલ્મની સ્ટોરી ગમી હતી અને તેણે ફિલ્મ માટે હા પાડી છે. ફિલ્મની સ્ટાર કાસ્ટ નક્કી થઈ ચૂકી છે ત્યારે આ ફિલ્મ થોડા સમયમાં જ ફ્લોર પર જશે અને તેનું શૂટિંગ શરૂ થશે. મળેલી માહિતી પ્રમાણે આ મહિને જ ફિલ્મ ફ્લોર પર થાય તેવી શક્યતા છે, જે આવતા વર્ષે રિલીઝ થશે. આ ફિલ્મનું ડાયરેક્શન રાઘવ લોરન્સ પોતે જ કરશે કે કેમ તે હજુ સુધી નક્કી થયું નથી.

‘કેસરી’ સો કરોડ ક્લબમાં સામેલ

વર્કફ્રંટની વાત કરીએ તો ગત મહિને રિલીઝ થયેલી અક્ષય કુમારની ફિલ્મ ‘કેસરી’ બોક્સ ઓફિસ પર સારી કમાણી કરી રહી છે. ફિલ્મ માત્ર સાત દિવસની અંદર 100 કરોડ ક્લબમાં સામેલ થઈ છે. આ સિવાય અક્ષય કુમારની ફિલ્મ ‘હાઉસફુલ 4’ પણ આ વર્ષે જ રિલીઝ થશે.

‘ગુડ ન્યૂઝ’માં પણ જોવા મળશે કિયારા

કિયારા અડવાણીના વર્કફ્રંટની વાત કરીએ તો તે ફિલ્મ ‘કલંક’ના એક સ્પેશિયલ સોંગમાં જોવા મળશે. આ સિવાય તે અક્ષય કુમાર અને કરીના કપૂર સ્ટારર ‘ગુડ ન્યૂઝ’માં જોવા મળશે. આ ઉપરાંત તે ‘કબિર સિંહ’માં શાહિદ કપૂર સાથે કામ કરી રહી છે. ‘લસ્ટ સ્ટોરીઝ’માં દમદાર અભિનય કરી કિયારાએ ફેન્સના દીલ જીતી લીધા હતા. હાલ તે સિદ્ધાર્થ મલ્હોત્રાને ડેટ કરી હોવાનો બોલિવુડમાં ગણગણાટ છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2V9k7gF