માત્ર અર્જુન કપૂર જ નહિ, બોલિવુડના આ હીરોઝનું પણ મોટી ઉંમરની હીરોઈનો પર આવ્યું છે દિલ

અર્જુન-મલાઈકાની ચર્ચાઃ

આજકાલ અર્જુન કપૂર અને મલાઈકા અરોરાની રિલેશનશીપની ચારે દિશામાં ચર્ચા છે. અર્જુન કરતા મલાઈકા 12 વર્ષ મોટી છે. આ વાતને લઈને તેમને ઘણીવાર ટ્રોલ કરવામાં પણ આવ્યા છે પરંતુ બોલિવુડમાં આ પહેલીવાર નથી. અગાઉ પણ ઘણા હીરોઝે તેમના કરતા ઉંમરમાં મોટી એક્ટ્રેસ સાથે લગ્ન કર્યા છે. અમુક નામ જાણીને તો ખરેખર ચોંકી જશો.

એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

પરમીત સેઠી-અર્ચના પુરણ સિંહઃ

પરમીત અને અર્ચનાના લગ્ન 1992માં થયા હતા. અર્ચના પરમીત કરતા સાત વર્ષ મોટી છે. ચાર વર્ષ લિવ-ઈનમાં રહ્યા બાદ તેમણે લગ્ન કર્યા હતા. બંનેને આજે આર્યમાન અને આયુષ્માન નામના બે પુત્ર છે.

કુણાલ ખેમુ-સોહા અલી ખાનઃ

કુણાલ સોહા કરતા પાંચ વર્ષ નાનો છે. લગ્ન પહેલા બંને લિવ ઈન રિલેશનશીપમાં હતા. કુણાલે પેરિસમાં સોહાને પ્રપોઝ કર્યું હતું અને છ મહિના બાદ બંનેએ લગ્ન કરી લીધા હતા. 2017માં સોહાએ ઈનાયાને જન્મ આપ્યો હતો.

કરણ સિંહ ગ્રોવર- બિપાશા બાસુઃ

કરણ બિપાશા કરતા ત્રણ વર્ષ નાનો છે. બંને એરોટિક થ્રિલર એલોનના સેટ પર મળ્યા હતા. બંને 2016માં પરણી ગયા હતા.

આદિત્ય પંચોલી-ઝરીના વહાબઃ

આદિત્ય ઝરીના કરતા છ વર્ષ નાનો છે. બંને કલંક કા ટિકાના સેટ પર મળ્યા હતા અને 1986માં પરણી ગયા હતા. આદિત્ય-ઝરીનાને દીકરી સના અને દીકરો સૂરજ છે.

અભિષેક બચ્ચન-ઐશ્વર્યા રાયઃ

જુનિયર બચ્ચન ઐશ્વર્યા કરતા બે વર્ષ નાનો છે. બને 2007માં પરણી ગયા હતા અને આજે બંને તેમની દીકરી આરાધ્યાને સાથે મળી ઉછેરે છે.

શિરિષ કુંદેર-ફરાહ ખાનઃ

ફરાહ ખાન શિરિષ કરતા આઠ વર્ષ મોટી છે. બંને મેં હૂં નાના સેટ પર મળ્યા હતા. બંને 2004માં પરણી ગયા હતા. તેમને ત્રિપલેટ્સ છે જેમાં બે દીકરીઓ અને એક દીકરો છે.

સુનિલ દત્ત-નરગીસઃ

નરગીસ સુનિલ દત્ત કરતા ઉંમરમાં એક વર્ષ મોટી હતી. મધર ઈન્ડિયાના સેટ પર મળ્યા બાદ બંને નજીક આવી ગયા હતા. 1957માં સેટ પર મોટી આગ લાગી હતી અને સુનિલ દત્તે નરગીસનો જીવ બચાવ્યો હતો. એક વર્ષ પછી બંનેએ લગ્ન કરી લીધા હતા. તેમને ત્રણ બાળકો છે- સંજય, પ્રિયા અને નમ્રતા.

અર્જુન રામપાલ-મેહર જેસિયાઃ

અર્જુન સુપર મોડેલ મેહર જેસિયા કરતા બે વર્ષ નાનો છે. બંને 1998માં પરણી ગયા હતા અને તેમને બે દીકરીઓ છે- માહિકા અને માયરા. જો કે લગ્નના 20 વર્ષ બાદ બંનેએ છૂટા પડવાનો નિર્ણય લઈ લીધો હતો.

ધનુષ-ઐશ્વર્યાઃ

ધનુષે રજનીકાંતની સૌથી મોટી દીકરી ઐશ્વર્યા સાથે લગ્ન કર્યા છે જે તેના કરતા એક વર્ષ મોટી છે.

ફરહાન અખ્તર-અધુના ભાબાનીઃ

ફરહાન અધુના કરતા છ વર્ષ નાનો છે. ફરહાન દિલ ચાહતા હૈની સ્ક્રિપ્ટ લખતો હતો ત્યારે તેમની મુલાકાત થઈ હતી. બંને 2000માં પરણી ગયા હતા. તેમને બે દીકરીઓ છે- શાક્યા અને અકિરા. આ બંનેએ પણ લગ્નજીવનના અનેક વર્ષો બાદ છૂટા પડવાનો નિર્ણય લીધો હતો.

સૈફ અલી ખાન-અમૃતા સિંહઃ

સૈફ અલી ખાન એક્સ વાઈફ અમૃતા કરતા 12 વર્ષ નાનો હતો. બંનેએ 1991મમમાં લગ્ન કર્યા હતા. લગ્નના 13 વર્ષ બાદ બંને છૂટા પડી ગયા હતા. તેમને બે બાળકો છે- સારા અને ઈબ્રાહિમ. સૈફે પછી કરીના કપૂર સાથે લગ્ન કર્યા જે તેના કરતા 10 વર્ષ નાની છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2ZDIhlT