દીકરીના કપડા પર કોમેન્ટ કરનારાને અજય દેવગણે આપ્યો જડબાતોડ જવાબ

ન્યાસા થઈ ટ્રોલઃ

હમણા થોડા દિવસ પહેલા જ અજય દેવગણની દીકરી ન્યાસાને સોશિયલ મીડિયા યુઝર્સે ટ્રોલ કરી હતી. ન્યાસા એરપોર્ટ પર દેખાઈ હતી. આ સમયે તેણે બ્લુ રંગની લોન્ગ હૂડી પહેરી હતી અને નીચે શોર્ટ્સ પહેર્યું હતું. ન્યાસાનો આ ફોટો વાયરલ થયો એટલે લોકોએ તેને ટ્રોલ કરવાનું શરુ કરી દીધું હતું.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

પ્રોટેક્ટિવ છે અજય દેવગણઃ

અજય દેવગણ પોતાના પરિવારને લઈને ખાસ્સો પ્રોટેક્ટિવ છે. અજયે એક ઈન્ટરવ્યુમાં કહ્યું, “ન્યાસા ફક્ત 14 વર્ષની છે. લોકો આ ભૂલીને કંઈ પણ બકવાસ કરે છે. તેણે લોંગ ટીશર્ટ પહેર્યું હતું અને નીચે શોર્ટ્સ પહેર્યું હતું. ટીશર્ટ લાંબી હોવાથી શોર્ટ્સ દેખાયું નહિ અને લોકોએ તેને ટ્રોલ કરવાનું શરૂ કરી દીધું.”

આપ્યો આ જવાબઃ

અજય દેવગણે વધુમાં જણાવ્યું, “હું નથી જાણતો આ કેવા પ્રકારના લોકો છે. હું ફોટોગ્રાફર્સને કહીશ કે તે સ્ટાર કિડ્સને એકલા છોડી દે. પેરેન્ટ્સ ફેમસ છે તેની સજા બાળકો કેમ ભોગવે? બાળકોને સ્પેસ જોઈએ. તે દર વખતે તૈયાર થઈને ન ફરી શકે. આ પ્રકારની ચીજો દુઃખદ છે. મારો દીકરો અમુક ચીજોને લઈને ખાસ્સો સતર્ક રહે છે.”

અનુભવ શેર કર્યોઃ

અજયે કહ્યું, “એક દિવસ હું આઈપેડ પર કંઈ જોઈ રહ્યો હતો અને યુગ ટીવી જોઈ રહ્યો હતો. ત્યારે મેં તેને કહ્યું કે તેં બહુ ટીવી જોઈ લીધુ, હવે સૂવાનો ટાઈમ થઈ ગયો છે. તો તેણે તરત મને કહ્યું કે તમે કેમ આઈપેડ ખોલીને બેઠા છો? મેં તેને સમજાવ્યું કે હું આખો દિવસ કામ કરુ છું અને માત્ર એક કલાક જ કંઈક જોવા માટે મળે છે. ત્યારે તેણે કહ્યું તમે કામ નથી કરતા, ફિલ્મનું પ્રમોશન કરો છો.”

આ ફિલ્મોમાં જોવા મળશેઃ

એ સમયે અજય ટોટલ ધમાલનું પ્રમોશન કરી રહ્યો હતો. હવે અજય દેવગણ દે દે પ્યાર દે, તાનાજી, ભુજ અને આરઆરઆરમાં જોવા મળશે. ટોટલ ધમાલે બોક્સ ઑફિસ પર રેકોર્ડબ્રેક કમાણી કરી હતી.

from Page Array – I Am Gujarat http://bit.ly/2OTf5mb