‘છપાક’માં દીપિકાના મેકઅપ માટે લાગે છે આટલા કલાક

દિલ્હીના રોડ પર ‘છપાક’નું શૂટિંગ કરી રહી છે દીપિકા

દીપિકા પાદુકોણની આગામી ફિલ્મ ‘છપાક’નું શૂટિંગ શરૂ થઈ ચૂક્યું છે. આ માટે તે થોડા દિવસો અગાઉ દિલ્હીના રોડ પર ફરતી દેખાઈ હતી. આ દરમિયાન દીપિકાને ઓળખવી ખૂબ જ મુશ્કેલ હતી. કારણ કે, દીપિકાએ પોતાના ચહેરા પર મેકઅપ લગાવી રાખ્યો હતો. દીપિકા ‘છપાક’માં સ્પેશિયલ મેકઅપ દ્વારા પોતાનો ચહેરો બદલી શૂટિંગ કરી રહી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

તૈયાર થતા રોજ 4 કલાક લાગે છે

અગાઉ આ ફિલ્મમાંથી તેનો ફર્સ્ટ લુક પણ સામે આવ્યો હતો. આ ફિલ્મમાં દીપિકા એક એસિડ અટેક સર્વાઈવરનું પાત્ર ભજવી રહી છે. આ વાર્તા લક્ષ્મી અગ્રવાલની છે જેની સાથે આ ઘટના બની હતી અને હવે દીપિકા માલતી બની તેના જીવનને પડદા પર ઉતારી રહી છે. આ લુકમાં આવવા માટે દીપિકા રોજ આશરે 4 કલાક સુધી મહેનત કરે છે.

મેકઅપ ઉતારવામાં પણ લાગે છે સમય

શૂટિંગ ખતમ થયા બાદ દીપિકાના મેકઅપને ઉતારવામાં પણ ખૂબ સમય લાગે છે. આવામાં અડધાથી વધુ સમય તો દીપિકાનો મેકઅપ કરવા અને ઉતારવામાં જ જાય છે. આ મેકઅપ કરતી વખતે આર્ટિસ્ટ માટે સૌથી મોટો પડકાર એ હોય છે કે, તે દરેક વખતે એક જેવો જ હોય.

ફિલ્મના ટ્રેલર માટે ફેન્સમાં આતુરતા

ટૂંક સમયમાં જ ફિલ્મનું ટ્રેલર સામે આવશે. દીપિકાના ફર્સ્ટ લુકને ખૂબ પસંદ કરવામાં આવ્યો હતો અને હવે તેના ટ્રેલરની રાહ જોવાઈ રહી છે. ફિલ્મમાં દીપિકાની સાથે વિક્રાંત મેસ્સી લીડ રોલમાં જોવા મળશે. નિર્દેશન મેઘના ગુલઝાર કરી રહી છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2XndpEB