કેન્સરની સારવાર કીમોથેરાપીમાં ચાલ્યા ગયેલા વાળનો ગ્રોથ ફરી વધારવાનો સરળ ઉપાય

હેર ગ્રોથની પર કીમોની અસર

કેન્સરથી લડવું સહેલું નથી હોતું ખાસ કરીને ત્યારે જ્યારે તમે મહિલા હોવ, કેન્સરની સારવાર માટે આપવામાં આવતી કીમોથેરાપીના કારણે સૌથી વધુ નુકસાન તમારા વાળને થાય છે. તમારા વાળ ભલે ગમે તેટલા મુજબૂત અને મુલાયમ હોય પરંતુ કીમોથેરાપીથી તમારા વાળ પર સૌથી વધુ નકારાત્મક અસર પડે છે. ત્યારે આ રીતે સારવાર દરમિયાન ગુમાવેલા બાળને પરત મેળવી શકો છો.

ક્યારે ફરી વાળ ઉગે છે?

કીમો થેરાપી પછી તમારા વાળ કેટલા દિવસોમાં પરત આવે છે તે એ બાબતે નિર્ભર કરે છે કે કીમો થેરાપી અને કેન્સરની દવાઓની તમારા સ્કલ્પ પર અસર કેટલી હદે ખરાબ થઈ છે. કીમોથેરાપી લીધા બાદ 2-3 સપ્તાહ પછી તમારા સ્કલ્પ પર ખૂબ જ Fuzzy અને સોફ્ટ વાળ આવે છે. પછી એક મહિના બાદ ધીરે ધરે વાળ ફરી ઉગવાનું શરુ થાય છે. જ્યારે તમે વાળમાં દાંતિયો ફેરવી શકો તેટલા વાળ આવવામાં લગભગ 1 વર્ષ જેટલો સમય પણ લાગી શકે છે.

વિટામિન્સ અને મિનરલ્સનું સેવન

સારવારમાં ગુમાવેલા વાળને પરત મેળવવાનો સૌથી સારો વિકલ્પ છે તમે વિટામિન્સ અને મિનરલ્સનું સેવન પૂરતી માત્રામાં કરો. સપ્લિમેન્ટ્સની સાથે તમારી ડાયેટમાં એવી ફૂડ આઇટમ્સ પણ સામેલ કરો જેમાં વિટામિન્સ અને મિનરલ્સ વધારે પ્રમાણમાં હોય. વાળના મુળીયા ફરી મજબૂત અને અને હેલ્ધી વાળ આવે તે માટે વિટામિન સી અને વિટામિન ઈનું સેવન ખૂબ જ અસરદાર માનવામાં આવે છે. જ્યારે સ્કાલ્પમાં બ્લડ સર્ક્યુલેશન વધારવા માટે વિટામિન બી ખૂબ જ મહત્વપૂર્ણ છે. જેથી તમે પોતાના ખોરાકમાં ખાટા ફળ, ટમેટા, બ્રોકલી, બદામ, મગફળી, એવકાડો, પાલક, ઈંડા, બેરીઝ અને માછલી જેવી વસ્તુઓ સામેલ કરી શકો છો.

હાઈ પ્રોટિન ફૂડ

તમને કદાચ ખબર હશે કે આપણા વાળ પ્રોટિનમાંથી બને છે. જેથી વાળની મજબૂતાઈ માટે ખૂબ જ જરુરી છે કે તમે પોતાના ડાયેટમાં હાઈ પ્રોટિન ફૂડ આઈટમ્સ સામેલ કરો. વાળ જલ્દી ઉગી જશે. આ માટે તમારે પોતાના ડાયેટમાં પ્લાન્ટ પ્રોટિન સાથે સાથે એનિમલ પ્રોટિન પણ સામેલ કરવું જોઈએ. જેમાં મીટ, ટોફૂ, ઈંડા, મિલ્ક, દાળ વગેરે પ્રોટિનના ખૂબ સારા સ્ત્રોત છે.

ફેટી એસિડ

વાળનો ગ્રોથ વધારવા માટે તમે ઇચ્છો તો પોતાના ખોરાકમાં ઓમેગા 3 અને ઓમેગા 6 જેવા ફેટી એસિડવાળા ફૂડને પણ સપ્લિમેન્ટ્સ તરીકે સામેલ કરી શકો છો. જેમાં સાલ્મન ફિશ, ફ્લેક્સ સીડ્સ વગેરે ફેટી એસિડના ઉત્તમ સોર્સ કહેવામાં આવે છે.

તેલ માલિશ કરો

કીમોથેરાપી બાદ વાળ જલ્દીથી ઉગવાનું શરુ થઈ જાય માટે તેમાં તેલનું માલિશ પણ તેટલું જરુરી છે. તમે વાળમાં તેલનું માલિશ કરવા માટે રોઝમેરી, લવંડર જેવા એસેન્શલ તેલ ઉપરાંત સાદા નારિયળ તેલથી પણ સ્કલ્પને માલિશ ખૂબ સારી રીતે કરી શકો છો. તેલ માલિશથી વાળના મૂળીયા વધુ મજબૂત બને છે અને હેર ગ્રોથ જલ્દીથી થાય છે.

from Page Array – I Am Gujarat http://bit.ly/2vdXqMR