બોલિવુડમાં તૈમૂર પર બનશે ફિલ્મ, જાણો ડાયરેક્ટર મધુર ભંંડારકરે શું કહ્યું?

તૈમૂર પરથી બનશે ફિલ્મ?

સૈફ અલી ખાન અને કરીના કપૂરનો લાડકો તૈમૂર અલી ખાન મીડિયામાં સૌથી વધારે ચર્ચિત નામ છે. આ ક્યૂટ મંચકિન હંમેશા ચર્ચામાં રહે છે. તે જેવો ઘરની બહાર નીકળે કે તરત જ તેને જોવા માટે લોકોની ભીડ ઊમટી પડે છે. તેની દરેક હરકતને પણ લોકો પસંદ કરે છે. તૈમૂરની પોપ્યુલારિટી કોઈ મોટા ફિલ્મ સ્ટારથી ઓછી નથી. સોશિયલ મીડિયા પર પણ તેના નામથી ઘણાં ફેન પેજ છે. થોડા દિવસ પહેલા સમાચાર આવ્યા હતા કે તૈમૂર પરથી ફિલ્મ બનવા જઈ રહી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મધુર ભંડારકરે શું કહ્યું?

તૈમૂર પરથી બનનારી ફિલ્મને મધુર ભંડારકર ડાયરેક્ટ કરવાના હોવાની વાત સામે આવી હતી જો કે આ વિશે મધુર ભંડાકરને પૂછતાં તેમણે સૈફ અલી ખાન અને કરીના કપૂરના દીકરા તૈમૂર પરથી ફિલ્મ બની રહી હોવાના સમાચારને ફગાવી દીધા હતા. તેમણે કહ્યું કે તેઓ તૈમૂર પરથી ફિલ્મ નથી બનાવવાના. તેમણે આવા રિપોર્ટને પણ અફવા ગણાવી હતી.

ડાયરેક્ટરે વાતને નકારી

થોડા દિવસ પહેલા એવા સમાચાર હતા કે ડાયરેક્ટર મધુર ભંડારકરે તૈમૂરના નામથી ટાઈટલ રજિસ્ટર્ડ કરાવ્યું છે અને તેઓ તેના પરથી ફિલ્મ બનાવવાની તૈયારી કરી રહ્યા છે. જો કે એક બુક લોન્ચ ઈવેન્ટમાં મહેમાન બનેલા મધુર ભંડારકરે વાતને નકારી હતી.

‘બીજા ટાઈટલ રજિસ્ટર્ડ કરાવ્યા છે’

આ ઈવેન્ટમાં મધુર ભંડારકરને જ્યારે આ ફિલ્મને લઈને સવાલ કરવામાં આવ્યો તો તેમણે કહ્યું કે, ‘એવું કંઈ જ નથી. મારા પ્રોડક્શન હાઉસની અંડરમાં કેટલાક ટાઈટલ રજિસ્ટર્ડ કરવાયા છે. જેમાં અવોર્ડ્સ અને બોલિવુડ વાઈવ્સ જેવું નામ સામેલ છે’.

‘ગુડ ન્યૂઝ’માં કેમિયો કરશે તૈમૂર

તૈમૂર અલી ખાન પોતાની મમ્મીની આગામી ફિલ્મ ‘ગુડ ન્યૂઝ’માં 10 મિનિટનો કેમિયો કરતો જોવા મળશે. આ ફિલ્મમાં કરીના સિવાય અક્ષય કુમાર, દિલજીત દોસાંજ અને કિયારા અડવાણી પણ મુખ્ય રોલમાં છે.

from I Am Gujarat http://bit.ly/2KLlDVn