પ્રતીક ભક્ત/સમિધા શર્મા
બેંગલુરુ/મુંબઈ:ફ્લિપકાર્ટના સહ-સ્થાપક સચિન બંસલ બેંગલુરુ સ્થિત માઈક્રોફાઇનાન્સ કંપનમાં બહુમતી હિસ્સો ખરીદવાની શક્યતા ચકાસી રહ્યા છે એમ ઘટનાક્રમથી માહિતગાર બે વ્યક્તિઓએ જણાવ્યું હતું. જો આ સોદો સફળ બનશે તો બંસલ આ કંપનીમાં ટોચનો હોદ્દો સ્વીકારશે અને આ સાથે તેઓ ફરી એક વાર એક્ઝિક્યુટિવ હોદ્દા પર પાછા ફરશે એમ સૂત્રોએ જણાવ્યું હતું. સોદાનું મૂલ્ય ₹200કરોડ હોવાનું મનાય છે.
37 વર્ષીય ઇન્ટરનેટ અબજપતિ બંસલ ચૈતન્ય રુરલ ઇન્ટરમિડિયેશન ડેવલપમેન્ટ સર્વિસિસ (CIFCPL)માં 75 ટકા હિસ્સો ખરીદે તેવી સંભાવના છે, જે ચૈતન્ય ઇન્ડિયા ફિન ક્રેડિટ નામની માઈક્રોફાઇનાન્સ ઇન્સ્ટિટ્યૂટ ચલાવે છે. પ્રાઇમરી અને સેકન્ડરી શેર વેચાણના મિશ્રણમાં થનારો આ સોદો અંતિમ તબક્કામાં છે અને ફાઇનાન્શિયલ સર્વિસિસ ક્ષેત્રે બંસલનું આ પ્રથમ ઇક્વિટી રોકાણ હશે.
બંસલે આ અંગે ઇટીને ટિપ્પણી કરવાનો ઇનકાર કર્યો હતો. સૂત્રએ ઇટીને જણાવ્યું હતું કે, સોદો પૂરો થઈ જાય પછી બંસલ કંપનીના સીઇઓની ભૂમિકા સ્વીકારી શકે છે. તેઓ બેન્કિંગ ક્ષેત્રમાં ટેક્નોલોજી અને અનુભવની તકો ચકાસવા માગે છે. ઉલ્લેખનીય છે કે બંસલે તેમણે સ્થાપેલી ફ્લિપકાર્ટના 5.5 ટકાનો સમગ્ર હિસ્સો ગયા વર્ષે વોલમાર્ટને વેચી દીધો હતો.
from Page Array – I Am Gujarat http://bit.ly/2G5M3vy
No comments:
Post a Comment