બિગ બીની આ સુપરહીટ ફિલ્મની રીમેકમાં જોવા મળશે અક્ષય કુમાર

બચ્ચનની મલ્ટીસ્ટારર ફિલ્મની રીમેકમાં દેખાશે AK

36 વર્ષ પહેલા રિલીઝ થયેલી અમિતાભ બચ્ચન, હેમા માલિની, શક્તિ કપૂર, રંજીતા કૌર, સારિકા, અમજદ ખાન, મેક મોહન, પ્રેમા નારાયણ, કાદર ખાન અને પેન્ટલ જેવા શાનદાર કલાકારો અને સ્ટાર્સથી ભરેલી ફિલ્મ ‘સત્તે પે સત્તા’ તો તમને સારી રીતે યાદ હશે. આ ફિલ્મને અને તેના સંગીતને ખૂબ પસંદ કરવામાં આવ્યા હતા. 10 વર્ષ પહેલા આ ફિલ્મની રીમેક બનાવવાનો પ્રયત્ન કરવામાં આવ્યો હતો, પણ વાત જામી નહીં.

ફરાહ ખાન કરશે ડિરેક્શન

હવે ફરી એકવાર ‘સત્તે પે સત્તા’ની રીમેકનું કામ નિર્દેશિકા ફરાહ ખાને શરૂ કરી દીધું છે. અહેવાલ મળ્યા છે કે, આ ફિલ્મની રીમેક માટે ફરાહ ખાને અમિતાભ બચ્ચનવાળા રોલ માટે અક્ષય કુમારને ફાઈનલ કરી દીધો છે. અત્યારે અક્ષય કરીના કપૂર સાથે ફિલ્મ ‘ગૂડ ન્યૂઝ’નું શૂટિંગ કરી રહ્યો છે. જણાવી દઈએ કે, ફિલ્મ ‘સત્તે પે સત્તા’ અમેરિકન મ્યૂઝિકલ ફિલ્મ ‘સેવન બ્રાઈડ્સ ફૉર સેવન બ્રધર્સ’ની રીમેક હતી.

રોહિત શેટ્ટી સંભાળશે પ્રોડક્શનની જવાબદારી

‘સત્તે પે સત્તા’નું નિર્દેશન ફરાહ ખાન જ્યારે તેનું નિર્માણ મસાલા ફિલ્મો દ્વારા પોતાની અલગ ઓળખ બનાવનારો રોહિત શેટ્ટી કરી રહ્યો છે. અમિતાભ બચ્ચનની આ ફિલ્મ એવા સાત ભાઈઓની વાર્તા છે જેઓ ‘અવ્યવસ્થિત રીતે રહે છે. મોટાભાઈ રવિને ઈન્દુ નામની મહિલા સાથે પ્રેમ થઈ જાય છે અને રવિના ઘરે આવીને ઈન્દુ તમામ ભાઈઓ જીવવાની રીત શીખવે છે અને વાર્તા આગળ વધે છે, બધા ભાઈઓએ કોઈને કોઈ સાથે પ્રેમ થઈ જાય છે.’

બાકીની કાસ્ટ પર કામ હજુ બાકી

‘સત્તે પે સત્તા’ અંગે હજુ સુધી કોઈ સત્તાવાર નિવેદન સામે આવ્યું નથી પણ હવે જ્યારે રોહિત શેટ્ટી અને ફરાહ ખાન ફિલ્મ સાથે જોડાયા છે તો જાહેર છે કે, ફિલ્મ સાથે જોડાનારા તમામ કલાકારો એડી-ચોડીનું જોર લગાવશે. અક્ષય સાથે લીડિંગ લેડ તરીકે ફિલ્મમાં કોની જોડી બને છે, અન્ય કયા કલાકારો ફાઈનલ થાય છે, તે જોવાનું રસપ્રદ રહેશે.

આ ફિલ્મોમાં જોવા મળશે અક્ષય

અક્ષયે તાજેતરમાં જ ફિલ્મ ‘મિશન મંગલ’નું શૂટિંગ પૂરું કર્યું છે. અત્યારે તે ‘ગુડ ન્યૂઝ’ના શૂટિંગમાં વ્યસ્ત છે ત્યારબાદ અક્ષય રોહિત શેટ્ટીની ‘સૂર્યવંશી’માં મુખ્ય ભૂમિકામાં જોવા મળશે.

from Entertainment News in Gujarati: Latest Entertainment News, Read Breaking Entertainment News – I Am Gujarat http://bit.ly/2IqGdbR