આ સરળ રેસિપથી ઘરે જ બનાવો મિક્સ ફ્રૂટ જામ, બાળકોને ખાવાની મજા પડશે

મિક્સ ફ્રૂટ જામ

જામ બાળકોને ભાવતી વસ્તુ પૈકીની એક છે. ભાવતું શાક ન હોય તો બાળકો રોટલી સાથે જામ ખાઈ લેતા હોય છે. આ સિવાય બ્રેડ જામ તો તેમના ફેવરિટ છે જ. બજારમાં વિવિધ પ્રકારના જામ મળે છે પણ મિક્સ ફ્રૂટ જામ એવી ફ્લેવર છે જે દરેકને ભાવતી જ હોય છે. તમને થાય કે ઘરે જામ બનાવવામાં કેટલી વાર લાગે ને કેટલી માથાકૂટ કરવી પડે. જો કે એવું નથી આ સરળ રેસિપીથી ઘરે જ મિક્સ ફ્રૂટ જામ બનાવવાનું શીખી લો.

સામગ્રી

2 ઝીણા સમારેલા સફરજન
2 ઝીણા સમારેલા સંતરા
7 ઝીણી સમારેલી સ્ટ્રોબેરી (સિઝન હોય તો)
2 ઝીણા સમારેલા કેળા
6 ઝીણા સમારેલા જલદારુ
1 ઝીણું સમારેલું પાઈનેપલ
દોઢ કપ ખાંડ
અડધી ટેબલ સ્પૂન લીંબુનો રસ

બનાવવાની રીત

એક બ્લેન્ડર કે મિક્સરમાં બધા ફળો નાખીને બ્લેન્ડ કરો. જ્યાં સુધી પ્યૂરી બનાવવા માટે સ્મૂધ મિશ્રણ તૈયાર ન થયા ત્યાં સુધી બ્લેન્ડ કરવું. એક પૅનમાં તૈયાર કરેલી પ્યૂરીમાં ખાંડ ઉમેરો અને મીડિયમ આંચ રાખી ઉકાળો. ધીરે-ધીરે મિશ્રણને હલાવતા રહેવું. આંચને ધીમી કરો અને જ્યાં સુધી મિશ્રણ ઘટ્ટ ના થાય ત્યાં સુધી ઉકાળતા રહો.

બનાવવાની રીત

જ્યારે પ્યૂરી ઘટ્ટ થઈ જશે ત્યારે સેમી સોલિડ જામ જેવી દેખાવા લાગશે. ત્યાર બાદમાં આમાં લીંબુનો રસ ઉમેરો અને બરાબર મિક્સ કરી લો. હવે જામ એકદમ ઘટ્ટ થઈ જાય ત્યાં સુધી બનવા દો. વચ્ચે-વચ્ચે પ્યૂરીને હલાવતા રહેવું. ધીમી આંચ પર જામ બનતા લગભગ દોઢ કલાક લાગશે. જ્યારે લાગે કે જામ બરાબર ઘટ્ટ થઈ ગયો છે ત્યારે ગેસ બંધ કરી દો. જામ ઠંડો થઈ જાય એટલે કાચની બરણીમાં ભરીને મૂકી દો. બાળકોને રોટલી, બ્રેડ કે પરાઠા સાથે ખાવાની મજા પડી જશે.

from Page Array – I Am Gujarat http://bit.ly/2IvyUiW