શું ગરમીમાં વજનમાં થાય છે ઘટાડો? જાણો હકીકત

શું પરસેવો આવવાથી વજન ઓછું થાય?

ઉનાળો શરૂ થઈ ગયો છે અને એ વજન ઘટાડવાની ઈચ્છા રાખતા લોકોની ફેવરિટ મોસમ છે. મોટાભાગના લોકોને લાગે છે કે, ગરમીમાં વધુ પરસેવો થવાથી વજન ઘટાડવામાં મદદ મળે છે. આ મોસમમાં તમારા દેશી જિમ ટ્રેનર પણ કહેતા હશે કે આ જ મોસમ છે કે જ્યારે તમે તમારું વજન ઘટાડી શકો છો. ઘણા ટ્રેનર્સ પોતાના ક્લાઈન્ટને પંખો ઓફ કરી વર્કઆઉટ કરાવે છે, જેથી વધુ પરસેવો નીકળે. પરંતુ, શું એ સાચું છે કે, ગરમીઓના સમયમાં પરસેવો આવવાથી તમારું વજન ઓછું થાય છે?

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

તો પછી ઠંઠીમાં શું થાય છે?

જો એવું છે તો પછી ઠંડીમાં તમારા શરીરમાંથી થોડું પણ ફેટ બર્ન નહીં થતું હોય, કેમકે ઠંડીમાં તો પરસેવો થતો નથી. આ લોજિકને જોતાં તો પર્વતીય કે ઠંડી જગ્યાઓ પર રહેતા લોકોએ મોટાપાનો શિકાર હોવું જોઈએ, કેમકે એ જગ્યાઓ પર તો બિલકુલ પરસેવો થતો નથી. એક સામાન્ય ધારણા છે કે, ઠંડીમાં તમારું વજન વધે છે અને ગરમીમાં ઘટે છે.

શું કહે છે સાયન્સ?

હહીકતમાં આપણા શરીરમાં એડિપોઝ ટિશૂના રૂપમં ફેટ જમા થાય છે. જ્યારે પણ શરીરમાં એનર્જીની પૂર્તી બહારથી નથી થઈ શકતી તો, શરીર જમા થયેલા આ ફેટને એનર્જીમાં ફેરવે છે અને આપણે ફેટ લૂઝ કરીએ છીએ. તમે ઠંડીમાં વર્કઆઉટ કરો કે ગરમીમાં, શરીરમાં ફેટ બર્ન થવાની પ્રક્રિયા એક સમાન જ છે.

શું પરસેવાના રૂપમાં બહાર આવે છે ફેટ?

ના, જરાપણ નહીં. શરીરના તાપમાનને સંતુલિત કરવા માટે પરસેવો નીકળે છે. ગરમીઓમાં બહારનું તાપમાન જ એટલું વધુ હોય છે કે શરીરને ઠંડું રાખવા માટે પરસેવો આવે છે. તો, ઠંડીમાં જ્યારે તમે વર્કઆઉટ કરો છો તો શરીરમાં ગરમી ઓછી કરવા માટે પરસેવો આવે છે.

તો શું ગરમીમાં વજન વધી શકે છે?

હા, ચોક્કસ. વજન વધવું મોસમ પર નહીં, પણ તમારા ખાનપાન પર નિર્ભર કરે છે. જ્યારે તમારા ખાવામાં કેલેરીની માત્રા વધુ હોય છે, તો તે ફેટના રૂપમાં જમા થઈ જાય છે અને મોટાપો વધે છે. જ્યારે શરીરમાં કેલેરી ઓછી થાય છે, તો શરીરમાં જમા ફેટ એનર્જી બનીને નીકળી જાય છે અને તેનાથી વજન ઓછું થાય છે.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2IQELPj