..તો આપણને ક્યારેય ન મળ્યો હોત કોમેડી કિંગ કપિલ શર્મા

ટેલિવિઝનમાં બનાવી ઓળખ

પોતાની કોમેડીથી કપિલ શર્મા ઘર ઘરમાં જાણીતું નામ બની ગયો છે. કોમેડી કર્યા ઉપરાંત તે ફિલ્મ્સમાં એક્ટિંગ કરી ચૂક્યો છે અને ગીત પણ સારા ગાય છે. તેણે ફિલ્મ અને ટેલિવિઝન ઈન્ડસ્ટ્રીમાં પોતાની ખાસ ઓળખ બનાવી છે. તેના શોમાં બોલિવૂડના મોટા મોટા સેલેબ્સ આવી ચૂક્યા છે. તાજેતરમાં જ કપિલે પોતાના નાનાપણની દોસ્ત ગિન્ની સાથે લગ્ન કર્યાં છે. કપિલનો 2 એપ્રિલના રોજ જન્મદિવસ છે. આવો જાણીએ તેના વિશેની કેટલીક રસપ્રદ વાત…

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કપિલ પુંજ છે અસલી નામ

કપિલ શર્માનું અસલી નામ કપિલ પુંજ છે. કપિલ પોતાની માતા જનક રાનીની ખૂબ જ નજીક છે. તેના પિતાનું મોત કેન્સરથી થયું હતું.

કર્યો સંઘર્ષ

કપિલે પોતાના કોલેજના દિવસોમાં જ થિએટર જોઈન કર્યું હતું. જોકે, આજે તે જે જગ્યાએ છે ત્યાં પહોંચવા માટે તેને ખૂબ જ લાંબો સમય લાગ્યો હતો. રિપોર્ટ્સ અનુસાર ‘ધ ગ્રેટ ઈન્ડિયન લાફ્ટર ચેલેન્જ’ના ઓડિશન સમયે તે રિજેક્ટ થયો હતો. તેને પછી કોલ કરીને પરત બોલાવવામાં આવ્યો હતો. જોકે, તે પછી શોમાં પરત ફર્યો હતો અને ટ્રોફી પણ જીતી હતી.

બનવા ઈચ્છતો હતો સિંગર

કપિલ ભલે આજે લોકો વચ્ચે કોમેડિયન તરીકે ફેમસ થઈ ગયો હોય પરંતુ તે સિંગર બનવા ઈચ્છતો હતો. તે પોતાના શો પર ગીત ગાતા પણ જોવા મળ્યો છે.

ફોર્બ્સની લિસ્ટમાં આવ્યું હતું નામ

વર્ષ 2016-2017 કપિલના કરિયરનું સૌથી સારુ વર્ષ રહ્યું છે. ફોર્બ્સના સૌથી અમીર લોકોના લિસ્ટમાં પણ કપિલનું નામ આવી ચૂક્યું છે.

કોન્ટ્રોવર્સીઝ સાથે સંબંધો

કપિલ શર્માનું નામ અનેક વિવાદોમાં પણ ઢસડાઈ ચૂક્યું છે. કપિલ શર્મા અને સુનિલ ગ્રોવર વચ્ચેના ઝઘડાએ પણ વિવાદને જન્મ આપ્યો હતો.

કોન્ટ્રોવર્સીમાંથી કર્યું કમબેક

અનેક વિવાદો પછી કપિલ શર્માનો શો એક વર્ષ માટે બંધ થઈ ગયો હતો. આ દરમિયાન કપિલ ખૂબ તણાવમાં રહ્યો હતો અને તેનું વજન પણ વધી ગયું હતું. સારવાર પછી કપિલે ફરીથી કમબેક તો કર્યું જ ઉપરાંત લગ્ન કર્યાં અને હવે ફરીથી દર્શકોનું દિલ જીતી રહ્યો છે.

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat https://ift.tt/2TRNy5d