વોડાફોન રાઈટ્સ ઈશ્યૂ: બિરલાની પ્રમોટર કંપનીમાં રિસ્ટ્રક્ચરિંગ

68663982

અરિજિત બર્મન

મુંબઈ:વોડાફોન આઇડિયાના 3.6 અબજ ડોલરના રાઇટ્સ ઇશ્યૂ પહેલાં કુમાર મંગલમ્ બિરલાએ ભંડોળ એકત્ર કરવા અનલિસ્ટેડ ગ્રૂપ કંપનીઓનું રિસ્ટ્રક્ચરિંગ શરૂ કર્યું છે. SKI કાર્બન બ્લેક મોરિશિયસ (બિરલા કાર્બન) 45 કરોડ ડોલરમાં સ્વિસ સિંગાપોર ઓવરસિસ એન્ટરપ્રાઇઝિસ Pteનો અંકુશાત્મક હિસ્સો ખરીદવાની તૈયારીમાં છે. બંને આદિત્ય બિરલા ગ્રૂપની પ્રમોટર કંપની છે. બિરલા કિરણ ઇન્વેસ્ટમેન્ટ્સમાં 100 ટકા હિસ્સો ધરાવે છે, જે આ બે એન્ટિટીની માલિકી ધરાવે છે.

કાર્બન બ્લેક બેન્કો સાથે 30 કરોડ અને 15 કરોડ ડોલરની ટૂંકા ગાળાની ઋણની બે લાઇન મેળવવા બેન્કો સાથે વાટાઘાટ કરી રહી છે. સ્ટાન્ડર્ડ ચાર્ટર્ડ બેન્ક, બેન્ક ઓફ અમેરિકા મેરિલ લિંચ અને સિટી બેન્ક એક્વિઝિશનનું ફન્ડિંગ કરતા હોવાનું મનાય છે.

અંકુશાત્મક હિસ્સો ટ્રાન્સફર કરવા સ્વતંત્ર રીતે વેલ્યુએશન નિર્ધારિત કરાશે. આદિત્ય બિરલા ગ્રૂપના પ્રવક્તાએ આ બાબતે કંઈ કહેવાનો ઇનકાર કર્યો હતો. બિરલા અને ગ્રૂપ કંપનીઓના સહપ્રમોટર રાઇટ્સ ઇશ્યૂમાં ₹7,250 કરોડનું યોગદાન ચાલુ રાખશે. વોડાફોન ગ્રૂપ તેમાં ₹11,000 કરોડ ઠાલવવાની યોજના ધરાવે છે.

SKI કાર્બનનું ભંડોળ આઇડિયાની પ્રમોટર એન્ટિટી કિરણ ઇન્વેસ્ટમેન્ટ્સમાં વાળવામાં આવશે. આદિત્ય બિરલા ગ્રૂપ ગ્રાસિમ, હિંદાલ્કો અને બિરલા ટીએમટી હોલ્ડિંગ્સ દ્વારા વોડાફોન આઇડિયામાં 26.54 ટકા હિસ્સો ધરાવે છે.

એનાલિસ્ટ્સના જણાવ્યા અનુસાર રાઇટ્સ ઇશ્યૂ કંપનીને ટેલિકોમ સેક્ટરની સ્પર્ધાને પહોંચી વળવા બે વર્ષ માટે પૂરતું ભંડોળ આપશે. ડિસેમ્બર સુધીમાં વોડાફોન આઇડિયાનું ઋણ ₹1.24 લાખ કરોડ હતું. દરેક ક્વાર્ટરમાં કંપનીનો ફાઇનાન્સ ખર્ચ લગભગ ₹7,750 કરોડ હતો અને એ ગાળામાં ખોટ વધીને ₹10,700 કરોડ થઈ હતી.

from Page Array – I Am Gujarat https://ift.tt/2JX3PX9