બકવાસ રિવ્યુ છતાંય પહેલા દિવસે ‘કલંક’ને મળ્યું બમ્પર ઓપનિંગ, કરી અધધ કમાણી

બ્રાન્ડ વેલ્યુનો ફાયદો મળ્યોઃ

અક્ષય કુમારની કેસરીની જેમ જ માધુરી દીક્ષિત, આલિયા ભટ્ટ, વરૂણ ધવનની ફિલ્મને ધર્મા પ્રોડક્શનની બ્રાન્ડ વેલ્યુનો ફાયદો પહેલા દિવસે બોક્સ ઑફિસ કલેક્શનમાં મળ્યો છે. આ ફિલ્મ જોઈને નીકળનારા દરેક દર્શકે ફિલ્મનો બકવાસ રિવ્યુ આપ્યો હતો. તેમણે કરણ જોહરે તેમની સાથે છેતરપિંડી કરી હોય તેવી લાગણી વ્યક્ત કરી હતી.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

સારુ એડવાન્સ બુકિંગ મળ્યુંઃ

મહાવીર જયંતિ અને ગુડ ફ્રાઈડેની રજાનો ફાયદો મળી શકે તે આશયથી ફિલ્મને શુક્રવારને બદલે બુધવારે રીલીઝ કરવામાં આવી હતી. કરણ જોહરનું નામ જોડાયેલું હોવાથી ફિલ્મને સારુ એડવાન્સ બુકિંગ મળ્યું હતું. ફિલ્મે બોક્સ ઑફિસ પર પહેલા દિવસે 21 કરોડ 60 લાખ કમાણી કરી હતી. આ વર્ષે રીલીઝ થયેલી ફિલ્મોમાંથી આ ફિલ્મને સૌથી વધારે ઓપનિંગ મળ્યું હતું.

આ ફિલ્મોએ કરી સારી કમાણીઃ

આ વર્ષે રીલીઝ થયેલી ચર્ચિત ફિલ્મોમાં ટોટલ ધમાલની પહેલા દિવસની કમાણી 16 કરોડ 50 લાખ, ગલી બૉય 19 કરોડ 40 લાખ, કેસરી 21 કરોડ 6 લાખ હતી. કલંકે ઑસ્ટ્રેલિયા અને બ્રિટનમાં પણ સારી કમાણી કરી છે. બ્રિટનમાં કલંકે પહેલા દિવસે 41 હજાર પાઉન્ડ અને ઑસ્ટ્રેલિયામાં 28 હજાર ડોલરની કમાણી કરી છે.

બ્રિટનમાં સારુ કમાઈઃ

બ્રિટનમાં પહેલા દિવસે કમાણીનો રેકોર્ડ બનાવનાર દંગલ અને પદ્માવતની કમાણી કરતા કલંકની કમાણી અનેક ગણી વધારે છે. પદ્માવતે રીલીઝના દિવસે બ્રિટનમાં 13 હજાર પાઉન્ડ કમાણી કરી હતી જ્યારે દંગલે 16 હજાર પાઉન્ડની કમાણી કરી હતી. કલંકની કમાણી 41 હજાર પાઉન્ડ છે.

રેસ 3 અને ઠગ્સ ઑફ હિન્દોસ્તાના રસ્તેઃ

આ અગાઉ કરણ જોહર અને અક્ષય કુમારનું નામ જોડાયેલું હોવાથી કેસરીને પણ સારુ ઓપનિંગ મળ્યું હતું. પરંતુ બીજા જ અઠવાડિયે ફિલ્મ બોક્સ ઑફિસ પર ઢીલી પડી ગઈ હતી. ગયા વર્ષે રીલીઝ થયેલી ફિલ્મ ઠગ્સ ઑફ હિન્દોસ્તાન, રેસ 3ની પણ આવી જ દશા થઈ હતી. ફિલ્મને સ્ટારકાસ્ટને કારણે સારુ ઓપનિંગ મળ્યું હતું પરંતુ સ્ટોરી નબળી હોવાને કારણે કલેક્શન રવિવાર પછી ઊંઘા માથે પછડાયુ હતુ અને બંને ફિલ્મ ફ્લોપ થઈ ગઈ હતી.

from I Am Gujarat http://bit.ly/2XsYkkV