વર્લ્ડકપ માટે ઓસ્ટ્રેલિયાની ટીમ જાહેર, વૉર્નર-સ્મિથનું કમબેક

વર્લ્ડકપ માટે કાંગારુ ટીમ જાહેર

ક્રિકેટ ઑસ્ટ્રેલિયાએ સોમવારે ICC વર્લ્ડ કપ 2019 માટે પોતાની ટીમની જાહેરાત કરી દીધી છે. 15 સભ્યોવાળી આ ટીમમાં સ્ટીવ સ્મિથ અને ડેવિડ વૉર્નરનું કમબેક થયું છે. ઉલ્લેખનીય છે કે, ગત વર્ષે બોલ ટેમ્પરિંગના કારણે બંને પણ 1 વર્ષનો પ્રતિબંધ લદાયો હતો જેના પછી આ બંને પ્રથમવાર ઑસ્ટ્રેલિયા માટે ઈન્ટરનેશનલ ક્રિકેટમાં જોવા મળશે. વર્લ્ડકપમાં ઑસ્ટ્રેલિયન ટીમની કમાન ઓપનિંગ બેટ્સમેન એરોન ફિન્ચને સોંપવામાં આવી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ફિન્ચ સંભાળશે ટીમની કમાન\

જણાવી દઈએ કે, ફિન્ચની કેપ્ટનશિપમાં જ ઑસ્ટ્રેલિયાએ તાજેતરમાં ભારતને તેની જ ધરતી પર 10 વર્ષ બાદ વન-ડે સીરિઝમાં હરાવ્યું હતું. આના પછી ઑસ્ટ્રેલિયન ટીમે પાકિસ્તાનને પણ હરાવ્યું હતું. જોકે, ભારત સામેની નિર્ણાયક મેચમાં તાબડતોબ બેટિંગ કરી ઑસ્ટ્રેલિયાને જીતાડવામાં મહત્વની ભૂમિકા ભજવનારા એસ્ટોન ટર્નરને આ ટીમમાં સ્થાન મળ્યું નથી.

શાનદાર પરફોર્મન્સ છતા આ ખેલાડીઓ બહાર

15 સભ્યોની આ ટીમમાં પીટર હેન્ડ્સકૉમ્બને પણ સ્થાન મળ્યું નથી જેણે ભારત સામેની વન-ડે સીરિઝમાં ખૂબ જ શાનદાર બેટિંગ કરી હતી. આ ઉપરાંત ફાસ્ટ બોલર જોસ હેઝલવુડને પણ સિલેક્ટર્સે નજરઅંદાજ કર્યો છે. IPLમાં મુંબઈ ઈન્ડિયન્સ તરફથી રમી રહેલા જેસન બેહરનડૉર્ફને ટીમમાં શામેલ કરાયો છે. આ ઉપરાંત નાથન કુલ્ટર નાઈલ, પેટ કમિન્સ અને મિચેલ સ્ટાર્કને બોલિંગનો ભાર સોંપવામાં આવ્યો છે. સ્પિન ડિપાર્ટમેન્ટની જવાબદારી નાથન લાયન અને એડમ ઝેમ્પાને સોંપવામાં આવી છે. જણાવી દઈએ કે, વર્લ્ડકપની શરૂઆત 30 મેથી શરૂ થશે.

ઑસ્ટ્રેલિયાની વર્લ્ડ કપની ટીમ

એરોન ફિન્ચ (કેપ્ટન), જેસન બેહરનડૉર્ફ, એલેક્સ કેરી (વિકેટકીપર), નાથન કુલ્ટર નાઈલ, પેટ કમિન્સ, ઉસ્માન ખ્વાજા, નાથન લિયોન, શૉન માર્શ, ગ્લેન મેક્સવેલ, ઝાય રિચર્ડસન, સ્ટીવ સ્મિથ, મિચેલ સ્ટાર્ક, માર્કસ સ્ટોયનિસ, ડેવિડ વૉર્નર, એડમ ઝેમ્પા

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2Gok4sr