હું મોદી ભક્ત નથી પરંતુ તેમનો ફેન જરુર છુંઃ વિવેક ઓબેરોય

12 એપ્રિલે રિલીઝ થશે ‘પીએમ નરેન્દ્ર મોદી’

વડાપ્રધાન નરેન્દ્ર મોદીના જીવન પરથી બાયોપિક ફિલ્મ ‘પીએમ નરેન્દ્ર મોદી’ બની રહી છે. આ ફિલ્મમાં વડાપ્રધાનનો રોલ એક્ટર વિવેક ઓબેરોય કરી રહ્યો છે. ફિલ્મ શૂટિંગ શરૂ થયું ત્યારથી જ ચર્ચામાં છે. આ ફિલ્મની રિલીઝ ડેટ પણ બેવાર ટળી ચૂકી છે. કેટલાક રાજનૈતિક દળોએ લોકસભાની ચૂંટણીને ધ્યાનમાં રાખી રિલીઝ પર રોક લગાવવાની માગ કરી હતી, જો કે હવે રસ્તો સાફ થઈ ગયો છે. ફિલ્મ 12 એપ્રિલે રિલીઝ થશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ફિલ્મને લઈને ચાલી રહ્યો છે વિવાદ

આ ફિલ્મને લઈને ચાલી રહેવા વિવાદ વિશે વાત કરતાં વિવેકે કહ્યું કે, ‘મને નવાઈ પણ લાગે છે અને દુખ પણ થાય છે કે આ ફિલ્મ પર આટલો વિવાદ થયો તેમ છતાં કોઈ સપોર્ટમાં આવ્યું નહીં. વાત રાજનૈતિક વિચારધારાની નથી પરંતુ ફિલ્મમેકર અને દર્શકોના અધિકારની છે. આપણે આ અધિકારોને બચાવવાની જરૂર છે. મે કોઈને પણ આ ફિલ્મના સમર્થનમાં ટ્વીટ કરતા નથી જોયા કે ફિલ્મને રિલીઝ થવા દો’.

‘હું મોદી ભક્ત નથી’

જ્યારે વિવેકને પૂછવામાં આવ્યું કે શું તે મોદીનો ફેન છે? તો જવાબમાં તેણે કહ્યું કે, ‘હા હું મોદીનો ફેન છું પણ તેમનો ભક્ત નથી. હું એમ કહીં શકું નહી કે પીએમ મોદી જે કરશે તે સારુ જ કરશે, હું તેમની વાત પર સહમત ન પણ થાઉં. હું દરેક વસ્તુ પર સંતુલિત વ્યૂ રાખું છું. મને લાગે છે મોદીજી યુવાનોની પ્રેરણા છે. માત્ર આટલું જ નહીં તમે જો આ સમયે 60-70 વર્ષની વ્યક્તિ છો તો પણ મોદી તમને પ્રેરિત કરશે’.

ફિલ્મ સામે વિપક્ષીઓને વાંધો

ડાયરેક્ટ ઉમંગ કુમારની આ ફિલ્મની રિલીઝ ટાઈમિંગને લઈને વિપક્ષી પાર્ટીઓ સતત સવાલ ઉઠાવી રહી છે. તેમનું કહેવું છે કે ફિલ્મ લોકસભા ચૂંટણી દરમિયાન રિલીઝ થશે તો તેની ચૂંટણી પર અસર થશે. ફિલ્મની ટીમ ‘પીએમ નરેન્દ્ર મોદી’ને 38 દેશોમાં રિલીઝ કરવાનું પ્લાનિંગ કરી રહી છે. તેમાં યુએસ, યુકે, કેનેડા, ઓસ્ટ્રેલિયા અને યુએઈ જેવા દેશો સામેલ છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2uRj35x