ડાન્સ ડેઃ વજન ઉતારવામાં ઘણા મદદરુપ થશે આ સરળ ડાન્સ સ્ટેપ

ફટાફટ વજન ઉતરાશે આ સરળ ડાન્સ ફોર્મ

સ્લિમ અને ટ્રિમ લૂક માટે આપણે શું શું નથી કરતા. ગ્રીન ટીથી લઈને એક્સર્સાઈઝ અને યોગાથી લઈને અનેક જાતભાતની ડાયેટ્સ. પરંતુ આ બધાથી જેટલો ફાયદો નથી મળતો તેટલો ફાયદો ડાન્સ દ્વારા મળે છે. ડાન્સથી તમે ખાસ્સું વજન ઘટાડી શકો છો. ત્યારે આજે ઇન્ટરનેશનલ ડાન્સ ડેના દિવસે અમે તમને કેટલીક સરળ ડાન્સ સ્ટાઈલ અંગે જણાવવા જઈ રહ્યા છે જે કરવાથી વજન પણ ઉતરશે અને ક્યારેય કંટાળો પણ નહીં આવે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ફ્રી સ્ટાઈલ

આ ડાન્સ ફોર્મ દુનિયાના અનેક ભાગમાં ખૂબ જ પોપ્યુલર છે. તેમજ વજન ઉતારવા માટે એક બેસ્ટ ઓપ્શન પણ છે. એવું એટલા માટે કેમ કે ફ્રીસ્ટાઈલમાં ડાન્સ સ્ટેપ અને બોડી મૂવમેન્ટ્સ પર કોઈ ખાસ ધ્યાન દેવાની જરુરીયાત નથી રહેતી. તમે જે રીતે ઇચ્છો તેમ ડાન્સ કરી શકો છો.

હિપહોપ ડાન્સ

હિપહોપ ડાન્સ એક પ્રકારે સ્ટ્રીટ ડાન્સ સ્ટાઇલ છે. જેને હિપહોપ મ્યુઝિક પર પરફોર્મ કરવામાં આવે છે. જેમાં પોપિંગ લોકિંગથી લઈને બ્રેકિંગ સ્ટાઇલ સુધીનો સમાવેશ છે. આ એક એવું ડાન્સ ફોર્મ છે જે વજન ઘટાડવા માટે સૌથી બેસ્ટ છે. કેમ કે આ ડાન્સ કરવામાં સૌથી વધુ કેલરી બર્ન થાય છે. હિપહોપ સ્ટાઇલને સામાન્ય રીતે ક્લબમાં કરવામાં આવે છે. પરંતુ તમે ઘરે પણ ખૂબ જ સહેલાઈથી કરી શકો છો.

જુંબા ડાન્સ

આ એક મિક્સ્ડ ડાન્સ ફોર્મ છે. જેમાં સાલસા, રુંબા અને હિપહોપનો સમાવેશ થાય છે. આ ડાન્સ ફોર્મમાં બોડીમાં સૌથી વધુ મૂવમેન્ટ આવે છે. આ એક પ્રકારે કાર્ડિયો વર્કઆઉટ કહેવાય છે. આ ડાન્સ ખૂબ જ ફંકી બિટ્સ પર કરવામાં આવે છે. જેમાં એબ્સથી લઈને લેગ્સ અને હાથની એક્સર્સાઈઝ થાય છે. આ ડાન્સ ફોર્મને યુવા વધુ પસંદ કરે છે.

બેલી ડાન્સ

હિપ્સ, બેક અને એબ્સને ટોન કરવા માગો છો અને કમર પરથી ચરબી ઘટાડવા માગો છો તો બેલી ડાન્સ પરફેક્ટ છે આ ડાન્સમાં મૂવમેન્ટ એક નિયંત્રિત રીતે સ્લો મોશનમાં કરવામાં આવે છે. ફોક્સ ફક્ત કમર અને હિપ્સ પર જ રહે છે.

ભાંગડા

ભાંગડા ફક્ત પંજાબીઓમાં જ નહીં તમામ પ્રદેશો અને વિદેશમાં પણ ફેમસ છે. ભાંગડાનો કોઇપણ સ્ટેપ કરો તે દમદાર અને એનર્જીથી ભરપૂર હોય છે. આ ડાન્સ ફોર્મની ખાસ વાત એ છે કે તેમાં ભાંગડા ગ્રૂવથી લઈને ક્યુપિડ જેવા અનેક ડાન્સ મૂવ્સ હોય છે. જેને તમે આરામથી પણ કરી શકો છો.

ડાન્સ કરો પણ બસ આટલી વાતનું ધ્યાન રાખો

કોઈપણ ડાન્સ કરતા પહેલા કેટલીક બાબતોનું ખાસ ધ્યાન રાખવું જોઈએ. ડાન્સ પહેલા પોતાને વોર્મ અપ અને સ્ટ્રેચિંગ જરુર કરો. જેથી નસો છૂટી પડે અને તેના પર દબાણ ઓછું આવે. સિંપલ ડાન્સ સ્ટેપથી કરો શરુઆત. જો કોઈ ડાન્સ સ્ટેપ કરવામાં મુશ્કેલી આવે છે અથવા શારીરિક રીતે તમારા માટે મુશ્કેલીભર્યો છે તેને એક ઝાટકે કરવાની જગ્યાએ ધીરે ધીરે તેમાં પોતાની કેપેસિટી વધારો.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2Wb2IVr