બબીતાજીનો ચોંકાવનારો ખુલાસો: લોકો ફોન પર મોકલે છે આવા ગંદા મેસેજ

ટ્રોલર્સને જવાબ આપવામાં માને છે મુનમુન

પોપ્યુલર ટીવી શો ‘તારક મહેતા કા ઉલ્ટા ચશ્મા’માં બબીતાનો રોલ પ્લે કરી રહેલી એક્ટ્રેસ મુનમુન દત્તા સોશિયલ મીડિયા પર ઘણી એક્ટિવ રહે છે. તે દરેક મુદ્દા પર ખુલ્લી રીતે પોતાના ઓપિનિયન પણ આપે છે. ઘણીવાર એવું પણ થયું છે કે મુનમુન દત્તાને ટ્રોલિંગનો શિકાર થવું પડ્યું હોય. પરંતુ એક્ટ્રેસ ટ્રોલર્સને એમ જ છોડી દેતી નથી, તે પોતાને ટ્રોલ કરનારને જડબાતોડ જવાબ આપે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ટ્રોલર્સને આપે છે જડબાતોડ જવાબ

ટાઈમ્સ ઓફ ઈન્ડિયા સાથે વાતચીત કરતા મુનમુન દત્તાએ કહ્યું કે, ‘સ્ટોકર્સ અને ટ્રોલર્સથી દૂર રહો. હું લોકોને મારા પ્રોફાઈલ પર મતલબી અને ખરાબ કોમેન્ટ કરવા દેતી નથી. હું ઘણીવાર કોમેન્ટ સેક્શનને સ્વિચ ઓફ કરી દઉ છું’.

‘નેગેટિવ કોમેન્ટ મને પસંદ નથી’

મુનમુન દત્તાએ કહ્યું કે, ‘જો કોઈ ફોલોઅર નેગેટિવ અને ખરાબ કોમેન્ટ કરે છે તો હું તેમને જવાબ આપવામાં માનું છું. જો હું આમ ન કરી શકું તો તે વ્યક્તિને બ્લોક કરી દઉ છું. મારે એક જ ફોલોઅર હશે તો ચાલશે, પરંતુ તેમ નથી ઈચ્છતી કે નકારાત્મકતા અને નફરત ફેલાવનારા લોકો મારી પ્રોફાઈલ સાથે જોડાય’.

મુનમુન દત્તાએ શું કહ્યું ?

મુનમુન દત્તાએ કહ્યું કે, ‘હું ઘણીવાર ટ્રોલર્સને અવગણવાનો પ્રયાસ કરૂં છું. મને મારી તસવીરો પર કોઈ અશ્લીલ કોમેન્ટ કરે તે મને પસંદ નથી. હું મારી પ્રોફાઈલ સારી રહે તેમ હંમેશા ઈચ્છું છું’.