ઉનાળામાં શાકની રામાયણ વચ્ચે ઘરે બનાવો આ સ્વાદિષ્ટ અને આરોગ્યપ્રદ વાનગીઓ

ઉનાળામાં ગૃહિણીઓની સૌથી મોટી સમસ્યા એટલે આજે ક્યું શાક બનાવવું?

સામન્ય રીતે મોટાભાગના લોકોને જમવામાં દાળ ન હોય તો ચાલે પરંતુ શાક તો જોઈએ જ. શાક વગરનું જમણ એટલે અધૂરું પોષણ. પરંતુ ઉનાળામાં ગૃહિણીઓ માટે સૌથી મોટી રામાયણ હોય તો શાકની જ. બજારમાં જોઈએ તેટલા શાક મળતા ન હોય અને લિમિટેડ ઓપ્શન વચ્ચે પણ ભાવ આસમાને આંબતા હોય ત્યારે રોજ રોજ ક્યું શાક બનાવવું તે એક કડાકૂટનો વિષય છે. ત્યારે અમે કેટલાક ટેસ્ટી અને હેલ્ધી વિકલ્પ લઈને આવ્યા છીએ જેનાથી ગૃહિણીનું સૌથી મોટું ટેન્શન કે આજે શાક શું બનાવવું દૂર થઈ જશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ચણાનો લોટનું શાક

જયારે શાકની રામાયણ હોય ત્યારે ચણાનો લોટ કે બેસનનું શાક એક સારો વિકલ્પ છે. તમે રાજસ્થાની સ્ટાઇલમાં ગટ્ટાનું શાક પણ બનાવી શકો છો. જે તમારો સ્વાદ બદલવાની સાથે ભોજનનો સ્વાદ પણ વધારશે. આ જ રીતે તમે ગાઠિયાનું શાક પણ બનાવી શકો છો. આ શાક તમે સૂકા તેમજ ગ્રેવીવાળા એમ બે પ્રકારને બનાવી શકો છો.

અડદ, ચણા, કે મગના પાપડનું શાક

ઘરમાં જો અડદ, ચણા, કે મગના પાપડ હોય તો પણ તમારી મુશ્કેલી ઘણી હદ સુધી ઓછી થઈ શકે છે. તમે મસાલેદાર પાપડનું શાક બનાવી શકો છો. પાપડના શાકનો ચટપટો સ્વાદ તમને અને ઘરનાને બધાને જરૂર પસંદ આવશે.

ફણગાવેલા કઠોડ

ઉનાળામાં તમે શાકની જગ્યાએ જુદા જુદા ફણગાવેલા કઠોડનું શાક પણ બનાવી શકો છો. જેમ કે ચણા, મગ, વટાણા વગેરેનું મજેદાર ચટાકેદાર શાક બનાવીને તમારી રોજની માથાકૂટમાં રાહત મેળવી શકો છો. આ શાકનો ચટાકેદાર ટેસ્ટ એવો રહેશે કે તમારું બાળક પણ શોખથી ખાશે અને મોટા પણ. તેમજ કઠોળનું આ શાક પોષણ માટે એક સારું વિકલ્પ છે.

જુદા જુદા પ્રકારની દાળ

આમ તો ઘણા લોકોને શાક હોય ત્યારે દાળ વગર ચાલે છે પરંતુ જ્યારે બજારમાં શાકની સમસ્યા હોય ત્યારે તમને ઘરે જ જુદી જુદી દાળ બનાવીને પણ ચલાવી શકો છો. સામાન્ય રીતે દાળ આપણા ભોજનનું અભિન્ન અંગ છે. ખૂબ જ સરળ રીતે બનતી દાળ દરેક વર્ગમાં ખવાય પણ છે. ત્યારે ચણા, તુવેર, મગ, અડદ કે મસૂર વગેરેની દાળ તમારા મનપસંદ અંદાજમાં બનાવી શકો છો. ઈચ્છા થાય તો તેને રોટલીની જગ્યા ભાત સાથે પણ ખાઈ શકો છો. આ દાળ સ્વાદ અને પોષણ બંનેના હિસાબે સારો વિક્લ્પ છે.

અલગ અલગ જાતની કઢી

અલગ અલગ કઢી બનાવવા માટે તમારે શાકની જરૂર નથી માત્ર લસણ, મેથીના દાણા, હીંગ અને લીમડાનો વઘારથી તમે દહીં અને ચણાના લોટની કઢી બનાવી શકો છો. કઢી તમે ગુજરાતી, રાજસ્થાની, અને મરાઠી જેવા જુદા જુદા અંદાજમાં બનાવી શકો છો. ગરમા ગરમ કઢી તમારા ટેસ્ટ અને હેલ્થ બંને માટે ઉત્તમ ઓપ્શન બનશે.

બરી કે પનીર

દૂધની બરી કે પનીરની સાથે હવે બજારમાં સોયાબીન સહિત જુદા જુદા પ્રકારની બરી અને પનીર મળે છે. જેનો પ્રયોગ તમે લીલા શાકભાજીના વિકલ્પના રૂપમાં પણ કરી શકો છો. આ પણ ખૂબ પૌષ્ટિક અને સ્વાદિષ્ટ વિકલ્પ છે.

from Page Array – I Am Gujarat http://bit.ly/2D1FoSv