દુનિયાને ચૂપચાપ ભરડામાં લઈ રહ્યો છે આ ફંગસ, દવાઓ પણ નથી કરતી અસર

એક બાજુ જ્યાં મેડિકલ અને દવાઓની દુનિયા એડવાન્સ થઈ રહી છે તો બીજી બાજુ સમય સાથે એક ફંગસનો વિકાસ એવી રીતે થતો જઈ રહ્યો છે કે તે પૃથ્વી પરના મનુષ્ય માટે જીવલેણ સાબિત થઈ રહ્યો છે. આ ફંગસ જો લોહીમાં પહોંચી જાય તો શરીરમાં ખતરનાક ઈન્ફેક્શન થઈ શકે છે. સૌથી વધુ ભયની વાત એ છે કે આ ફંગસનો હાલ કોઈ જ ઈલાજ નથી. સૌથી વધુ ખતરનાક વાત એ છે કે તેનાથી પીડિત વ્યક્તિનું અવસાન થઈ જાય તો પણ આ ફંગસ જીવતું રહે છે અને બીજાના શરીરમાં પ્રવેશ કરીને તેને પણ દર્દી બનાવી શકે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

રહસ્યમયી છે આ ફંગસ
ન્યૂયોર્ક ટાઈમ્સના એક રિપોર્ટ અનુસાર મે મહિનામાં બ્રુકલીનના માઉન્ટ સિનાઈ હોસ્પિટલ ફોર એબ્ડોમિનલ સર્જરીમાં એક વૃદ્ધ વ્યક્તિને દાખલ કરવામાં આવ્યો હતો. બ્લડ ટેસ્ટમાં એ વાત સામે આવી કે તે એક નવા રીતના જીવાણુંથી સંક્રમિત થયેલો છે. જે અત્યાર સુધી રહસ્યમયી રહ્યું છે. ટેસ્ટ રિપોર્ટ સામે આવ્યા પછી ડોક્ટર્સે દર્દીઓને ઈન્સેન્ટિવ કેર યુનિટમાં શિફ્ટ કર્યાં છે.

નબળી ઈમ્યુન સિસ્ટમને બનાવે છે શિકાર
કેન્ડિડા ઓરિસ નામનું આ ફંગસ તેવા લોકોને પોતાની ઝપેટમાં લે છે. જેમની ઈમ્યુન સિસ્ટમ નબળી હોય છે. આ સમગ્ર દુનિયામાં ચૂપચાપ ફેલાતો વાઈરસ છે. છેલ્લા પાંચ વર્ષમાં વેનેઝુએલાના નવજાત શિશુ કેર યુનિટ અને સ્પેનના એક હોસ્પિટલમાં ફેલાઈ ચૂક્યો છે. ફંગસના કારણે એક બ્રિટિશ મેડિકલ સેન્ટરને પોતાનું ઈન્સેન્ટિવ કેર યુનિટ પણ બંધ કરવું પડ્યું હતું. આ ફંગસે ભારત, પાકિસ્તાન અને દક્ષિણ આફ્રિકામાં પણ પગદંડો જમાવવા લાગ્યો છે. તાજેતરમાં જ કેન્ડિના ઓરિસ ન્યૂયોર્ક, ન્યૂજર્સી અને ઈલિનોયમાં પહોંચ્યો હતો. જે પછી રોગ નિયંત્રણ અને રોગને ડામવા માટે કેન્ડિડા ઓરિસને એવા લિસ્ટમાં સામેલ કરવામાં આવ્યો છે. જે વ્યક્તિ માટે સૌથી મોટો ખતરો હોય.

વ્યક્તિના મોત સાથે નથી મરતું ફંગસ
માઉન્ટ સિનાઈ હોસ્પિટલમાં ભરતી થયેલો વૃદ્ધ કેન્ડિના ઓરિસથી પીડિત હતો અને તેનું 90 દિવસ પછી અવસાન થયું હતું. આ પછી ખબર પડી કે તેને જે રુમમાં રાખવામાં આવ્યાં હતાં તેની દરેક વસ્તુ પર કેન્ડિડા ઓરિસ હતું. જે પછી હોસ્પિટલને રુમની સફાઈ માટે ક્લિનિંગ ઈક્વિપમેન્ટનો ઉપયોગ કરવો પડ્યો. આ ફંગસ ખતમ કરવા માટે તેમને છત તેમજ ફ્લોરની ટાઈલ્સ પણ બદલવી પડી. હોસ્પિટલના પ્રબંધક ડો.સ્કોટ લૌરિને જણાવ્યું કે,’દિવાલો, પથારી, દરવાજા, પડદા, ફોન, સિંક, વ્હાઈટ બોર્ડ, પોલ, પંપ, ચાદર, છત અને તે રુમમાં રહેલી દરેક વસ્તુમાં કેન્ડિડા ઓરિસ હતો.’

કોઈ જ દવાની અસર નહીં
સી ઓરિસ એટલો જિદ્દી વાઈરસ છે કે એન્ટીફંગલ મેડિકેશનની અસર પણ તેના પર નથી થતી. આ જ કારણોસર સ્વાસ્થ્ય માટે ખતરો બનેલા ઈન્ફેક્શનનું એક નવું ઉદાહરણ બન્યું છે. સરળ શબ્દોમાં કહેવામાં આવે તો બેક્ટેરિયાની જેમ જ હવે આ ફંગસ પણ મોર્ડન દવા પ્રત્યે ડિફેન્સ વિકસિત કરી રહ્યો છે જેના પર કોઈ જ અસર થતી નથી.

ઈન્ફેક્શન વિશે ઓછી જાણકારી
આ સમસ્યા ભલે વધતી જઈ રહી હોય પરંતુ આ વિશે લોકોને ઓછી જાણકારી છે. જેનું મોટું કારણ છે કે આ સમસ્યાને ગુપ્ત રખાઈ છે. બેક્ટેરિયા અને ફંગસ વિશે બતાવવામાં હોસ્પિટલ અને સ્થાનીક સરકાર સાચું કારણ બતાવવાથી ડરી રહ્યાં છે કારણકે તેમને ભય છે કે આ વિશે જણાવવાથી તેમને ઈન્ફેક્શનનું કેન્દ્ર માનવામાં આવશે. ત્યાં સુધી કે સેન્ટર્સ ફોર ડિસીઝ કંટ્રોલ પણ રાજ્ય સાથે કોન્ટ્રાક્ટના કારણે પ્રભાવિત હોસ્પિટલ અથવા તો તેના લોકેશન વિશે ખુલાસો નથી કરી શકતાં. અનેક વાર રાજ્ય સરકારોએ એવું માન્યું કે તેમની પાસે એવા મામલા આવ્યા પરંતુ કોઈ જ જાણકારી નથી.

90 દિવસમાં દર્દીનું મોત
આ ફંગસ હોસ્પિટલમાં હાજર રહેલા હાથો અને ઉપકરણો, બોટ દ્વારા લઈ જવાતું મીટ, શાક, સરહદ પાર મુસાફરી કરી રહેલા યાત્રીઓ અને અન્ય વસ્તુઓના આયાત-નિકાસ તેમજ પ્રભાવિત દર્દીના ઘર અને હોસ્પિટલમાં જવાથી પણ ફેલાઈ શકે છે. રિપોર્ટ અનુસાર કેન્ડિડા ઓરિસથી પીડિત આશરે અડધા દર્દીઓનું 90 જ દિવસમાં અવસાન થઈ ગયું હતું. પછી પણ દુનિયાના એક્સપર્ટ્સ એ વિશે જાણકારી મેળવી શક્યા નથી કે આ ફંગસ ક્યાંથી આવ્યું.

દુનિયામાં ચૂપચાપ ફેલાઈ રહ્યો છે ફંગસ
કેન્ડિડા ઓરિસ દુનિયાભરના હોસ્પિટલમાં ચૂપચાપ ફેલાઈ રહ્યો છે. જોકે સરકાર દર્દી અને લોકોને જબરદસ્તી ડરાવવાની વાત કરીને આ વાઈરસની જાણકારી આપવા તૈયાર નથી. યુએસમાં કેન્ડિડા ઓરિસના આશરે 587 મામલા સામે આવી ચૂક્યા છે.

લક્ષણ
તાવ, દર્દ અને નબળાઈના લક્ષણ આમ તો સામાન્ય લાગે છે પરંતુ કોઈ વ્યક્તિની ઈમ્યુન સિસ્ટમ બનળી છે અને તેને આ ફંગસ પોતાની ઝપેટમાં લઈ લે છે. તો આ સાધારણ વસ્તુઓ પણ જીવલેણ સાબિત થઈ શકે છે.

સારવાર કરનારને પણ ડર
કેન્ડિડા ઓરિસથી સંક્રમિત દર્દીઓના સારવાર કરનારને પણ પોતાની સુરક્ષાનો ડર સતાવી રહ્યો છે. ન્યૂયોર્કના એક મેડિકલ સેન્ટરમાં કામ કરનાર ડો.મેથ્યુ મેકાર્થીએ પોતાનો અનુભવ શૅર કરતા જણાવ્યું કે તેણે તાજેતરમાં જ જ્યારે તેણે 30 વર્ષના દર્દીની સારવાર કરી તો તેને ડરનો અનુભવ થયો હતો. કેન્ડિડા ઓરિસ પર આ રહસ્ય હજુ જેમનું તેમ જ છે. હાલ આ વાઈરસ ક્યાંથી આવ્યો અને તેને કેવી રીતે ફેલાતો રોકવો તે પર સંશોધન થઈ રહ્યું છે.
(સાભારઃ ન્યૂયોર્ક ટાઈમ્સ)

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2D7JnNo