ગોવાના આ જંગલ વિષે તમને ગૂગલ પણ નહિ જણાવે, રાત પડતા જ અહીં…

રાત્રે ચમકે છે આ જંગલોઃ

સાંજે સૂરજ ઢળે એટલે મોટામોટા શહેરોમાં લાખો આર્ટિફિશિયલ લાઈટ્સ ચમકી ઊઠે છે અને અંધારાને દૂર ભગાડી મૂકે છે. આથી સૂર્યાસ્ત પછી પણ માણસોનું જીવન જેમ ચાલતું હોય તેમ ચાલ્યા કરે છે. પરંતુ ભારતમાં એક જગ્યા એવી પણ છે જે રાત્રે ચમકે છે પરંતુ તેના માટે કોઈ આર્ટિફિશિયલ લાઈટની જરૂર નથી. પશ્ચિમ ઘાટના વિસ્તારમાં બાયો-લ્યુમિનિસન્ટ ફંગસ એટલે કે એક પ્રકારના મશરૂમ વિશાળ પ્રમાણમાં આવેલા છે. તેમની વિશેષતા એ છે કે તે રાત્રે ચમકવા માંડે છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

પણજીથી આટલું દૂર છેઃ

ગોવાના પણજીથી 60 કિ.મી દૂર તમે જશો તો તમને એક અલગ જ દુનિયામાં આવી ગયા હોવ તેવો અહેસાસ થશે. જૂનથી ઓક્ટોબરમાં ચોમાસાની સીઝનમાં આ ફંગસ તેના ચળકાટથી આખું જંગલ ઝગમગાવી દે છે. તે ગોવા નજીક સ્વપ્નગઢ વેલીમાં આવેલી મ્હાડેઈ વાઈલ્ડલાઈફ સેન્ચુરીમાં જોવા મળે છે. તે જૂના લાકડા, ડાળીઓ અને થડ પર ઉગી આવે છે. આવા ચળકતા મશરૂમ્સને જોવા ખરેખર લ્હાવો છે.

અભૂતપૂર્વ અનુભવ થશેઃ

નસીબજોગે આ સેન્ચુરી ચોમાસના મહિનામાં ઓપન રહે છે. પણજીથી ઉત્તર-પૂર્વ ભાદમાં આવેલા ચોરલા ઘાટમાં પણ આ પ્રકારની ચળકતી ફંગસ જોવા મળે છે. આ ઉપરાંત તમે ગોવાની ભગવાન મહાવીર વાઈલ્ડલાઈફ સેન્ચુરીમાં જશો તો ત્યાં પણ તમને આવો નજારો જોવા મળશે. આ ઉપરાંત અહીં સુંદર વૉટરફૉલ અને ગાઢ જંગલો આવેલા છે. ભીમાશંકર વાઈલ્ડલાઈફ રિઝર્વની સીમા પર આવેલા અહુપે નામના ગામમાં પણ ચળકતા મશરૂમનો નજારો જોવા મળશે. હવે ગોવા જાવ તો આ જગ્યાને તમારા ટ્રાવેલ લિસ્ટમાં જરૂર શામેલ કરજો.

from Page Array – I Am Gujarat http://bit.ly/2V0I9gR