રાજકોટ: સમગ્ર ગુજરાતમાં અચાનક વાતાવરણમાં પલ્ટો આવ્યો છે, ત્યારે જામનગરના જોડિયા તાલુકાના હડિયાણા ગામે આજે કરા સાથે તોફાની વરસાદ વરસ્યો હતો. સતત અડધો કલાક સુધી કરા સાથે ધોધમાર વરસતા લોકોમાં પણ આશ્ચર્ય ફેલાયું હતું.
હવે Whatsapp પર મેળવો તમામ મહત્વના ન્યૂઝ, શરુ કરવા માટે આ લિંક પર ક્લિક કરો
ભરઉનાળે ચોમાસાનો માહોલ સર્જાતા કાલ સુધી ગરમીથી પરેશાન થતાં ગ્રામજનોને આજે છત્રી લઈને બહાર નીકળવું પડ્યું હતું. વરસાદ અને કરાને કારણે તાપમાનમાં પણ અચાનક ઘટાડો થયો છે.
સમગ્ર સૌરાષ્ટ્રમાં પણ હાલ વાતાવરણ બદલાયું છે, અને ઉનાળો હોવા છતાં વાદળો છવાઈ જતાં ગરમીથી થોડી રાહત થઈ છે. અમદાવાદમાં પણ શહેરના આકાશમાં ધૂળની ચાદર પથરાઈ જતાં તાપમાનમાં ઘટાડો થયો છે. દક્ષિણ ગુજરાતમાં પણ વરસાદી માહોલ સર્જાયો છે.
હવામાન ખાતાના જણાવ્યા અનુસાર, રાજ્યમાં શનિવાર સુધી વાદળછાયું વાતાવરણ રહેવાની સંભાવના છે. આ દિવસો દરમિયાન મહત્તમ તાપમાન પણ 37-39 ડિગ્રી સુધી રહેવાની શક્યતા છે.
from Page Array – I Am Gujarat http://bit.ly/2GikgrN
No comments:
Post a Comment