મુંબઈ: મંગળવારે નિફ્ટીએ નવી ટોચ રચ્યાના એક કલાક બાદ BSE સેન્સેક્સે પણ 39,277.96 પોઈન્ટ્સની નવી ઊંચી સપાટીને સ્પર્શ કર્યો હતો. વૈશ્વિક રાહે આજે સવારથી જ ભારતીય શેરબજારમાં તેજી તરફી ચાલ જોવા મળી હતી.નેશનલ સ્ટોક એક્સચેંજની નિફ્ટીએ સવારે 11,787.05 પોઈન્ટ્સની નવી ટોચ રચી હતી.
આજે બપોરે 11.50 વાગ્યે 90.50 પોઈન્ટ્સના ઉછાળા સાથે 11,780.85 પોઈન્ટ્સની સપાટીએ ટ્રેડ થઈ રહ્યો હતો જ્યારે BSE બેન્ચમાર્ક સેન્સેક્સ 344.95 પોઈન્ટ્સના ઉછાળા સાથે 39,250.79 પોઈન્ટ્સની સપાટીએ ટ્રેડ થઈ રહ્યો હતો.
બજાર નિષ્ણાતોના મતે ભારતીય હવામાન ખાતાએ ચોમાસું સામાન્ય રહેવાની ધારણા દર્શાવી હોવાથી તેમજ પોઝિટિવ ડેટાને પગલે બજારના સેન્ટિમેન્ટમાં સુધારો જોવા મળ્યો હતો.
આ ઉપરાંત ભારતની નિકાસમાં વૃદ્ધિ થઈ હોવાના સમાચારને કારણે પણ રોકાણકારોનો વિશ્વાસ વધ્યો હતો અને શેરબજારમાં ધૂમ લેવાલી જોવા મળી હતી.
ભારતની નિકાસ વાર્ષિક ધોરણે 11.02 ટકા વધીને માર્ચમાં 32.55 અબજ ડોલર થઈ હતી જે એક વર્ષ અગાઉના સમાનગાળા દરમિયાન 29.32 અબજ ડોલર જ હતી.
from Page Array – I Am Gujarat http://bit.ly/2V1xAKv
No comments:
Post a Comment