ઉનાળામાં ચહેરા પર આ રીતે લગાવો દહીંનું ફેસપેક પછી જુઓ કમાલ

ઉનાળામાં સ્કીન માટે બેસ્ટ છે દહીંનું ફેસ માસ્ક

ઉનાળાની ઋતુ બરાબર જામી છે એવામાં સ્કીનનું ધ્યાન કઈ રીતે રાખવું તે વિશે ચિંતા રહ્યા કરે. ગરમીમાં સ્કીન ગરમ હવાને કારણે ડ્રાય થઈ જાય છે અને ફાટી જાય છે. એવામાં સ્કીનની સંભાળ રાખવી ખૂબ જરૂરી છે. આ સિઝનમાં ભલે તમે ગમે તેટલું સનસ્ક્રીન લગાવો કે ચહેરો ઢાંકીને રાખો પરંતુ ડ્રાય સ્કીનની સમસ્યા તો રહે છે. બજારમાંથી મોંઘી પ્રોડક્ટ્સ લાવીને આ સમસ્યાથી છૂટકારો મેળવવાના પ્રયાસ કરો તો પણ ધારો તેવું પરિણામ મળતું નથી. ડ્રાય સ્કીન માટે ઘરેલુ ઉપચાર કરશો તો સ્કીનને નુકસાન પણ નહીં થાય અને રૂપિયા પણ બચશે. આમ તો તમે પપૈયા, કેળા કે મધનું ફેસ માસ્ક બનાવીને લગાવી શકો છો પણ ડ્રાય સ્કીન પર દહીંનું ફેસ માસ્ક લગાવશો તો અદ્ભૂત પરિણામ મળશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સ્કીનને રાખશે યુવાન

દહીં સ્કીનમાં મોઈશ્ચર જાળવી રાખે છે. સાથે જ રૂક્ષ અને મૃત સ્કીનને ફરીથી જવાન બનાવે છે. દહીં નેચરલ બ્લીચિંગ એજન્ટ તરીકે કામ કરે છે અને સ્કીનના ડાઘ-ધબ્બાને દૂર કરે છે. દહીં કરચલીઓ દૂર કરવામાં મદદ કરે છે. દહીમાં લેક્ટિક એસિડ રહેલું છે જે ડેડ સ્કીન (મૃત કોશિકાઓ) હટાવીને પોર્સ ટાઈટ કરે છે જેથી તેમાં ગંદકી જમા ન થાય અને મોઈશ્ચર બહાર ન આવે. આ કારણે બ્લેક હેડ્સ અને વ્હાઈટ હેડ્સ પણ નથી થતું.

આ રીતે બનાવો દહીંનું માસ્ક

ફેસ માસ્ક બનાવવા દહીં અને મધની જરૂર છે. એક કપ દહીમાં 3 ચમચી મધ મિક્સ કરો અને આ માસ્કને આખા ચહેરા પર બરાબર લગાવી લો. ત્યાર બાદ ઠંડા પાણીથી ચહેરો ધોઈ લો.

દહીં અને ઓલિવ ઓઈલનું પેક

3-4 ચમચી દહીંમાં ઓલિવ ઓઈલના થોડા ટીંપા મિક્સ કરો અને ચહેરા પર લગાવો. અડધો કલાક બાદ ચહેરો સાફ પાણીથી ધોઈ લો.

from Page Array – I Am Gujarat http://bit.ly/2v2y1Wi