ઉનાળા વેકેશનમાં પરિવાર સાથે જાવ આ ઓફબિટ પ્લેસ, ઓછા ખર્ચે વધુ આનંદ મળશે

આવ્યું ઉનાળું વેકેશન ઉપડી પડો ફરવા

ઉનાળુ વેકેશન આવવાની તૈયારી છે ત્યારે બાળકો અને તમે બંને વેકેશન માણવા માટે ક્યાંક જવાનું વિચારતા હશો. પણ આ વખતે કોઈ પોપ્યુલર ચોઇસની જગ્યાએ એવા ડેસ્ટિનેશન અમે તમારા માટે લઈ આવ્યા છીએ જ્યાં ગયા બાદ કાયમ માટે આ જગ્યાઓ તમારા મનમાં વસી જશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કોવલમ બીચ

જો તમારા બાળકો અને તમને દરિયાના મોજા અને મસ્તી આકર્ષતા હોય તો કેરળના કોવલમને પસંદ કરી શકો છો. નાના-નાના મોજા ઉછાળતો કોવલમ બીચ બાળકો માટે મોજમસ્તી કરવાનું બેસ્ટ ડેસ્ટિનેશન બની જશે

રાનીખેત

જો તમારા બાળકો એડવેન્ચરના શોખીન છે અથવા તો તમે પણ એડવેન્ચર શોખીન છો. સાથે બાળકોને એડવેન્ચરનો ડોઝ આપવા માગો છો તો ઉત્તરાખંડનું આ સુંદર હિલ સ્ટેશન તમારા માટે બેસ્ટ જગ્યા બની રહેશે. કુમાઉની પહાડિયો વચ્ચે આવેલ આ હિલ સ્ટેશન પર તમે પેરાગ્લાઇડિંગનો આનંદ ઉઠાવી શકો છો.

કલિમપોંગ

જો તમારું મન કોઈ સુંદર પહાડો અને ખીણો વચ્ચે ગૂમ થવાનું કરતું હોય તો પશ્ચિમ બંગાળના કલિમપોંગ જઈ આવો. દક્ષિણ બંગાળના દાર્જિલિંગમાં આવેલ કલિમપોંગની દરિયાથી ઉંચાઈ 1250 મીટર છે. આ હિલસ્ટેશન પોતાના મનમોહક વાતાવરણ માટે ફેમસ છે. રજાઓ ગાળવા માટે આ બેસ્ટ પ્લેસ છે. દાર્જિલિંગથી કલિમપોંગના રસ્તે બંને તરફ તમને લીલીછમ વનરાજી અને ચાના બગીચા જોવા મળશે. તેમજ રસ્તામાં આવતા લવર્સ મીટ પર થોડીવાર રોકાઈને તીસ્તા અને રંગીન નદીના સંગમને જોઈ શકો છો. તો પહાડો અને નદીઓના રસ્તે થઈને સિલીગૂડી પણ ફરવા જઈ શકો છો.

ઔલી

ઉત્તરાખંડના ગઢવાલ ક્ષેત્રમાં જોશીમઠની નજીક દરિયાની સપાટીથી 9000 ફૂટ ઉંચાઈ પર સ્થીત ઔલી ચમોલી જીલ્લામાં આવેલું છે. અહીંથી ચારે તરફ સુંદર પર્વતો અને ખીણના સુંદર જંગલોનો નઝારો જોઈ શકાય છે તેમજ ઠંડકનો આનંદ ઉનાળામાં તમારા મનને તરબતર કરી દેશે.

ઊટી

તામિલનાડુનું ઊટી તો દરેક માટે જાણીતું છે. અહીં તમને અનેક પ્રાકૃતિક સીનસીનેરી જોવા મળશે. ઊટીના મુખ્ય આકર્ષણમાં અહીંના સુંદર કોટેજ, બોટેનિકલ ગાર્ડન અને ફૂલોના બાગબગીચા છે.

કુર્ગ

કર્ણાટકમાં સ્થિત કુર્ગ ભારતનું સ્કોટલેન્ડ છે. અહીંની સુંદરતાની વાત જ અનેરી છે. મંડાલપત્તિ, તિબેટિયન મઠ, કાવેરી નદી, ઇરુપુ ફોલ, ઇગુથાપા મંદિર, ઓંકારેશ્વર મંદિર, બ્રહ્માગીરીના પર્વતો અને નાલ્કનદ મહેલ જેવી અનેક જગ્યાઓ છે. કુર્ગની કોફી અને મસાલાની ખેતી પ્રસિદ્ધ છે.

શિલોંગ

પૂર્વના સ્કોટલેન્ડ તરીકે પ્રખ્યાત શિલોંગ આમ તો ઓછા જાણીતા પ્લેસમાં ન કહેવાય પરંતુ અહીં હજુ પણ પ્રમાણમાં ઘણા ઓછા લોકો આવે છે. અહીં લાંબા લાંબા પાઇના વૃક્ષ, ક્રિનોલિન ફોલ્સ, ગુન્નર ફોલ્સ, હેપ્પી વેલી અને સ્વીટ વોટરફોલ જોવાલાયક છે.

સિક્કિમ

દિલ્હીથી બાગડોગરાની સીધી ફ્લાઇટ પકડી પછી કેબ દ્વારા સિક્કિમના રાજધાની ગંગટોક પહોંચી શકો છો. ગંગટોકમાં ખૂબ જ વધારે પ્રમાણમાં સી મોનેસ્ટ્રી, વોટરફોલ અને તળાવ તમને આકર્ષિત કરશે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2THn5aA