લક્ષ્મી વિલાસ બેન્ક અને ઇન્ડિયાબુલ્સના મર્જર અંગે બેઠકની તૈયારી

68733818

જ્વલિત વ્યાસ/સુગાતા ઘોષ

મુંબઈ:લક્ષ્મી વિલાસ બેન્કને હોમ ફાઇનાન્સ કંપની ઇન્ડિયાબુલ્સ હાઉસિંગ ફાઇનાન્સમાં મર્જ કરવાની દરખાસ્ત પર વિચારણા કરવા ચાલુ સપ્તાહમાં લક્ષ્મી વિલાસ બેન્ક અને ઇન્ડિયાબુલ્સ હાઉસિંગ ફાઇ.ના બોર્ડ ઓફ ડિરેક્ટર્સની બેઠક મળશે.

બંને નાણાકીય સંસ્થાઓ વચ્ચે છેલ્લા કેટલાક મહિનાથી સંભવિત મર્જર અંગે વાતચીત ચાલે છે. હવે તેઓ એવા તબક્કામાં પ્રવેશ્યા છે જ્યાં દરખાસ્તને ઔપચારિક રૂપ આપીને નિયમનકારની મંજૂરી મેળવી શકાય.

હિલચાલથી માહિતગાર એક વ્યક્તિએ કહ્યું કે LVBના બોર્ડ સમક્ષ માર્ચમાં આ મુદ્દો આવવાનો હતો. જોકે, બેન્કના મેનેજમેન્ટને સૂચિત શેર-સ્વોપ રેશિયો વિશે કેટલાક વાંધા હતા. ઇન્ડિયાબુલ્સે હવે સુધારેલ શેર-એક્સ્ચેન્જ રેશિયો રજૂ કર્યો છે જે બેન્ક માટે વધુ ફાયદાકારક હશે. બંને એન્ટીટીના છ મહિનાના શેરના સરેરાશ ભાવ પ્રમાણે મર્જર રેશિયો લગભગ 10ની નજીક છે.

દરખાસ્ત મુજબ બેન્કને હોમ ફાઇનાન્સ કંપનીમાં મર્જ કરાશે અને મર્જ્ડ એન્ટીટી માટે બેન્કિંગ લાઇસન્સ ટ્રાન્સફર કરવા આરબીઆઇની મંજૂરી માંગવામાં આવશે. જો તેમ નહીં થાય તો રેગ્યુલેટરનો ફરી એક વખત સંપર્ક કરીને ફાઇનાન્સ કંપનીને બેન્કમાં મર્જર કરવાની દરખાસ્ત કરવી પડશે. ઇન્ડિયાબુલ્સની એસેટ સાઇઝ LVB કરતા લગભગ ત્રણ ગણા કરતા વધુ છે.

from Page Array – I Am Gujarat http://bit.ly/2IdMXZv