સલમાન બાદ સરળ નહોતી ઐશ્વર્યાની લાઈફ, આ રીતે થયા અભિષેક સાથે લગ્ન

એશ-અભિના લગ્નને 12 વર્ષ પૂરા થયા

અભિષેક બચ્ચન અને ઐશ્વર્યા રાય બચ્ચનના લગ્નને 20 એપ્રિલે 12 વર્ષ પૂરા થયા. બંનેની કેમેસ્ટ્રી જેટલી રીલ લાઈફમાં લોકોને પસંદ આવી તેનાથી વધારે રીયલ લાઈફમાં જોડી સપરહિટ રહી છે. બંને સાથે ‘રાવણ’, ‘કુછ ના કહો’ અને ‘ગુરુ’ જેવી ફિલ્મોમાં કામ કર્યું છે. બંનેની લવસ્ટોરી વચ્ચે સતત ઐશ્વર્યાનું નામ બોલિવૂડના દબંગ ખાન સલમાન ખાન સાથે જોડાતું હતું, જ્યારે મીડિયામાં એવી પણ ખબર હતી કે અભિષેકની કરિશ્મા કપૂર સાથે સગાઈ થઈ ચૂકી છે. જોકે આ બધી બાબતો વચ્ચે ઐશ્વર્યાની એન્ટ્રી અભિષેકની લાઈફમાં ચોંકાવનારી હતી. એનિવર્સરી પર આવો જાણીએ લાંબા સમયની મિત્રતા કેવી રીતે પ્રેમમાં પાંગરી…

2000માં થઈ બંનેની પહેલી મુલાકાત

મીડિયા રિપોર્ટ્સ મુજબ અભિષેક અને ઐશ્વર્યાની મુલાકાત પર પહેલીવાર 2000માં થઈ હતી, જ્યારે તે ‘ઢાઈ અક્ષર પ્રેમ કે’નું શૂટિંગ કરી રહ્યા હતા. બંનેએ આ વર્ષે ફિલ્મ ‘કુછ ના કહો’માં પણ કામ કર્યું હતું. તે સમયે બંને વચ્ચે સારી મિત્રતા હતી. તે સમયે ઐશ્વર્યા સલમાન ખાન સાથે રિલેશનશિપમાં હતી. જ્યારે કરિશ્માના પણ અભિષેક સાથે સગાઈ થઈ હતી. જોકે અભિષેક અને કરિશ્માના પેરેન્ટ્સ વચ્ચે કોઈ મતભેદ થઈ ગયા અને 2003માં આ સગાઈ તૂટી ગઈ.

કેવી રીતે બંને એકબીજાના નિકટ આવ્યા

બીજી તરફ ઐશ્વર્યા સલમાનના વ્યવહારથી પરેશાન હતી અને બ્રેકઅપ થઈ ગયું. આ બાદ ઐશ્વર્યાની વિવેક ઓબેરોય સાથે નિકટતા વધી અને અભિષેકની લાઈફમાં રાની મુખર્જી આવી. બંનેએ એક સાથે ઘણી ફિલ્મોમાં કામ કર્યું. તેમની જોડી દર્શકોને ખૂબ પસંદ પણ આવી. પરંતુ અભિષેક અને રાનીની જોડી લાંબો સમય ન ચાલી. બીજી તરફ ઐશ્વર્યાનું પણ વિવેક સાથે બ્રેકઅપ થઈ ગયું હતું. બસ આ જ સમયે બંને એકબીજાના નિકટ આવ્યા. ‘કજરા રે’ સોન્ગથી બંનેની નિકટતા વધી અને પછી 2006માં આવેલી ફિલ્મ ‘ઉમરાવ જાન’ના શૂટિંગમાં બંનેને પ્રેમ થયો. બંનેએ ઘણો સમય સાથે પસાર કર્યો.

ટોરન્ટોમાં અભિષેકે કર્યું લગ્ન માટે પ્રપોઝ

એશના પ્રેમમાં પાગલ અભિષેકે તેને લગ્ન માટે પ્રપોઝ કર્યું. અભિષેકે એક ઈન્ટરવ્યૂમાં જણાવ્યું હતું કે, જ્યારે હું ન્યૂયોર્કમાં શૂટિંગ કરી રહ્યો હતો. હું પોતાની હોટલના રૂમની બાલ્કનીમાં ઊભો રહીને એશ સાથે લગ્ન કરવા વિશે વિચારતો હતો. આ બાદ અભિષેકે ટોરન્ટોમાં ઐશ્વર્યાને લગ્ન માટે પ્રપોઝ કર્યું હતું, એશે પણ હા પાડી દીધી. આ વાતો ખુલાસો એશે એક ઈન્ટરવ્યૂમાં કર્યો હતો.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2W0FDoo