વડોદરાની સીટ પર છે વિવેક ઓબેરોયની નજર?

વડોદરા: બોલિવુડ એક્ટર વિવેક ઓબેરોય હાલના દિવસોમાં પોતાની આવનારી ફિલ્મ ‘પીએમ નરેન્દ્ર મોદી’ને લઈને ચર્ચામાં છે. ફિલ્મમાં તે ભારતના વર્તમાન વડાપ્રધાન નરેન્દ્ર મોદીનો રોલ પ્લે કરી રહ્યો છે. આ દરમિયાન તેણે એક મોટું નિવેદન આપ્યું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

વિવેક પોતાની આવનારી ફિલ્મના પ્રમોશન માટે પારુલ યુનિવર્સિટી પહોંચ્યો હતો. અહીં તેણે સ્ટૂડન્ટ્સ સાથે એક ડાયલોગ સેશનમાં કહ્યું કે, જો તે પોલિટિક્સમાં આવશે તો તે 2024ની લોકસભા ચૂંટણીમાં વડોદરાથી ચૂંટણી લડવા વિશે વિચારી શકે છે. તેણે કહ્યું કે, અહીંના લોકોએ પીએમ મોદીને પ્રેમ અને સમર્થન આપ્યું હતું, જ્યારે તેઓ અહીંથી ચૂંટણી લડ્યા હતા.

આ દરમિયાન એક્ટરે જણાવ્યું કે, તેની ફિલ્મ એક એવા વ્યક્તિની પ્રેરણાદાયક કહાની છે કે જે દેશના વડાપ્રધાન બન્યા અને કોઈ સમર્થન કે જ્ઞાતિના રાજકારણ વિના દુનિયાના સૌથી મોટા નેતાઓમાંથી એક છે.

ઉલ્લેખનીય છે કે, ડાયરેક્ટર ઉમંગ કુમારની ફિલ્મની રિલીઝ ટાઈમિંગને લઈને વિપક્ષી પક્ષો સતત સવાલ ઉઠાવી રહ્યા છે. તેમનું કહેવું છે કે, ફિલ્મ લોકસભા ચૂંટણી દરમિયાન રિલીઝ થઈ રહી છે, જેનાથી ઈલેક્શન પ્રભાવિત થશે. ઉલ્લેખનીય છે કે, ફિલ્મની ટીમ ‘પીએમ નરેન્દ્ર મોદી’ને 38 દેશોમાં રિલીઝ કરવાનું પ્લાનિંગ કરી રહી છે. તેમાં યુએસ, યુકે, કેનેડા, ઓસ્ટ્રેલિયા અને યુએઈ જેવા દેશો સામેલ છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2IbykHd