ભારતીય માર્કેટ એક રોમાંચક પિરિયડમાંથી પસાર થઈ રહ્યું છે. લોકસભા ચૂંટણીનાં પરિણામોને સવા મહિનો બાકી છે. ચોથા ક્વાર્ટરનાં પરિણામોની સીઝન ગતિ પકડી રહી છે. અત્યાર સુધીનાં પરિણામો પોઝિટિવ રહ્યાં છે અને આગામી દિવસોમાં જાહેર થનારાં પરિણામો પણ આ ટ્રેન્ડ જાળવે તેવી સંભાવના પૂરી છે. જોકે હાલમાં બજારને અકળાવતું પરિબળ પાર્ટિસિપેશનનો અભાવ છે.
કેન્દ્રમાં કોણ સરકાર બનાવે છે તે જ્યાં સુધી સ્પષ્ટ ના થાય ત્યાં સુધી બજારમાં કામકાજમાં સાધારણ ઘટાડો જોવાશે. અલબત્ત, સ્ટોક સ્પેસિફિક મૂવમેન્ટ જોવા મળશે પરંતુ બ્રોડ માર્કેટ હાલમાં વિરામની સ્થિતિમાં જોવા મળી શકે છે. ચૂંટણી ઉપરાંત બજારને જેટ એરવેઝ જેવી સમસ્યા પણ સતાવી રહી છે. દેશની અગ્રણી ખાનગી એરલાઇન્સને ઓપરેશન્સ બંધ કરવું પડે તે ભારત જેવા વિશ્વમાં સૌથી ઝડપી દરે વૃદ્ધિ પામી રહેલા અર્થતંત્ર માટે ચિંતાનો વિષય છે.
આ પ્રકારની ઘટના બજારના સેન્ટિમેન્ટ પર મોટી અસર ઉપજાવી શકે છે. મારા મતે આ સમસ્યાનો ઝડપી અને પોઝિટિવ ઉકેલ આવવો જરૂરી છે. કેમ કે તે માર્કેટ રોકાણકારોને એક ખરાબ સંકેત આપી શકે છે.
સરકાર સહિત તમામ સંબંધિત પક્ષો પ્રયાસો કરી રહ્યાં છે પરંતુ ક્યાંક ને ક્યાંક તે ટૂંકા પડી રહ્યા છે. દેશની ખાનગી ક્ષેત્રની અગ્રણી બેંક એચડીએફસીએ ફરી એકવાર અપેક્ષાથી સારાં પરિણામો રજૂ કર્યાં છે. જોકે આ બાબત હાલના ભાવમાં ગણનામાં લેવાનું ચૂકી છે અને તેથી બજારમાં તેને કારણે કોઈ મોટા સુધારાની સંભાવના નથી.
ક્રૂડના ભાવ હાલમાં તેની ટોચ પર ટ્રેડ થઈ રહ્યા છે. ક્રૂડના ભાવમાં છેલ્લા ચાર મહિનામાં 40 ટકા વૃદ્ધિ છતાં વિદેશી રોકાણકારોનો મજબૂત ફંડ ફ્લોને કારણે રૂપિયો ચાલુ કેલેન્ડરમાં મજબૂત ટક્યો છે. જો ક્રૂડ 72 ડોલર પ્રતિ ડોલરની સપાટીને પાર કરીને વધુ ઉપર જશે તો સ્થાનિક ચલણ અને બજાર માટે તે ચિંતાનો વિષય બનશે. 70-75 ડોલર પ્રતિ બેરલ સુધી ભારતીય બજાર ક્રૂડને લઈને બહુ ચિંતિત નથી જોવા મળી રહ્યું.
માર્કેટ ટેક્નિકલ્સ પર નજર નાખીએ તો મારા મતે જો નિફ્ટી 11,798ની સપાટીને પાર કરે તો 11,850 અને ત્યાર બાદ 11,900 સુધીની નવી ટોચ જોવા મળી શકે છે. જ્યારે 11,730ની સપાટીની નીચે બેન્ચમાર્ક 11,665 અને 11,600 સુધીના સ્તર દર્શાવી શકે છે. આમ બજાર એક રેન્જ બાઉન્ડ ટ્રેડ દર્શાવી શકે છે. ટૂંકા સમયગાળામાં આ રેન્જ 11,600-11,800ની હોય તે સંભવ છે.
વૈશ્વિક બજારોમાં ટ્રેન્ડ પોઝિટિવ છે અને તેથી ત્યાંથી કોઈ આંચકાની સંભાવના નથી. નવા સપ્તાહ માટે મને આઇસીઆઇસીઆઇ બેંક અને એસબીઆઇ બેસ્ટ બાય જણાય છે. જોકે મારી દૃષ્ટિએ એસબીઆઇ મધ્યમ ગાળા માટે જાળવી રાખવાના હેતુથી ખરીદવો. શેરમાં 20-25 ટકાનો સુધારો સંભવ છે.
વૈભવ શાહ, MD, મોનાર્ક નેટવર્થ કેપિટલ
from Page Array – I Am Gujarat http://bit.ly/2IOfp4x
No comments:
Post a Comment