હવે બહારથી લાવવાની જરૂર નથી, આ રીતે ઘરે જ બનાવી લો રતલામી સેવ 😋

રતલામી સેવ

ચણાના લોટનો ઉપયોગ કરીને અલગ-અલગ સેવ બનાવવામાં આવે છે. જેમ કે તીખી સેવ, મોળી સેવ, આલૂ સેવ, લસણની સેવ તેમજ રતલામી સેવ. રતલામી સેવ ટેસ્ટમાં તીખી હોય છે, પરંતુ તેને ખાવાની મજા કંઈક અલગ જ છે. આપણે બધા મોટે ભાગે રતલામી સેવ બહારથી લાવીએ છીએ. પેકેટની સેવ કરતાં ઘરે બનાવેલી સેવ ખાવાની મજા આવશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સામગ્રી

2 કપ ચણાનો લોટ
1 ચમચી મીઠું
5 લવિંગ
6-7 મરીના દાણા
1નાની ચમચી અજમો
1 ચમચી ગરમ મસાલો
ચપટી હિંગ
ચપટી બેકિંગ સોડા
તળવા માટે તેલ

બનાવવાની રીત

લવિંગ, મરીના દાણા અને અજમાને મિક્સર જારમાં લઈ બારીક ભૂકો કરી લો. હવે એક બાઉલમાં આ પાઉડર, મીઠું, ગરમ મસાલો, હિંગ અને બેકિંગ સોડા ઉમેરી ચમચીથી મિક્સ કરી લો. મિક્સ થઈ જાય એટલે તેમાં થોડુ-થોડુ પાણી ઉમેરી સેવ પડે તેવો થોડો લોટ બાંધી લો.

બનાવવાની રીત

આ લોટને સેવ પાડવાના સંચામાં લઈ લો. હવે સેવ તળવા માટે એક પેનમાં તેલ ગરમ થવા મુકો. તેલ ગરમ થઈ જાય એટલે તેમાં સેવ પાડી લો. સેવ તળાઈ જાય એટલે તેને ટિશ્યૂ પેપર પર કાઢી લો, જેથી વધારાનું તેલ શોષાય જાય. તો તૈયાર છે રતલામી સેવ. આ સેવને તમે એરટાઈટ ડબ્બામાં સ્ટોર પણ કરી શકો છો.

from Page Array – I Am Gujarat https://ift.tt/2HUUrkU