એક ફોન કોલ આ રીતે તમને કરી શકે છે કંગાળ

ટેક્નોલોજીના ફાયદા અને ગેરફાયદા

ઇન્ટરનેટ બેંકિંગ અને મોબાઈલ બેંકિંગ ખૂબ જ ઝડપથી લોકપ્રિય થઈ રહ્યું છે. આજે ખૂબ જ મોટી સંખ્યામાં લોકો તેનો ઉપયોગ કરી રહ્યા છે. પરંતુ તેની પોપ્યુલારીટી વધવાની સાથે સાથે જોખમ અને છેતરપીંડી પણ વધી છે. ATM કાર્ડનું ક્લોનિંગ, મોબાઈલ સિમ કાર્ડ સ્વેપિંગ બાદ હવે વિશિંગના બનાવ વધી રહ્યા છે. વિશિં એટલે મોબાઇલ ફોન કોલ દ્વારા કરવામાં આવતી છેતરપીંડી. આજે અમે તમને આ નવા બેંકિંગ સ્કેમ અંગે જણાવીએ છીએ.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

એક કોલથી થાય છે શરુઆત

આવા ફ્રોડની શરુઆત એક ફોન કોલથી થાય છે. જેમાં કોલ કરવાવાળો વ્યક્તિ પોતાને બેંકનો કર્મચારી ગણાવે છે.

તમારી ડિટેઇલ્સ કરે છે વેરિફાય

તમને કોઈ પ્રકારનો શક ન જાય એટલે આ હેકર્સ ગેંગ ફોન પર જ તમારું નામ, બર્થ ડેટ અને મોબાઇલ નંબર ડિટેલ્સ વેરિફાય કરે છે.

લેન્ડલાઇન નંબરથી આવે છે કોલ

આ સ્કેમ સાથે જોડાયેલ કોલ મોટાભાગે લેન્ડલાઇન્ડ નંબરથી આવે છે. જેથી તમને શક ના જાય.

તમને ડરાવે છે સ્કેમર્સ

ફોન કોલ પર આ સ્કેમર્સ તમને ડરાવવાનું કામ કરે છે. આ લોકો કહે છે કે તમારું કાર્ડ બ્લોક થઈ શકે છે અથવા એકાઉન્ટ બંધ થઈ શકે છે.

રિવોર્ડ પોઇન્ટની લાલચ

ઘણીવાર આ ગેંગ તમને ક્રેડિટ કાર્ડ પર રિવોર્ડ પોઇન્ટની લાલચ પણ આપે છે.

કાર્ડ અપગ્રેડ કરવાનું બહાનું

સ્કેમર્સ તમને નવા ચિપ બેઝ્ડ કાર્ડ બદલી આપવાનું કહીને પણ છેતરે છે.

કસ્ટમર્સને પૂછે છે કાર્ડ ડિટેઇલ્સ

બેંકના રિપ્રેઝન્ટેટિવ બની વાત કરતા આ ફ્રોડર્સ તમારા કસ્ટમર આઈડી અથવા ક્રેડિટ કાર્ડ ડિટેઇલ્સ કઢાવી લે છે.

આ પણ પૂછી શકે

આ લોકો પોતાની વાતોની જાળમાં તમને ફસાવી શકે છે. તમારી રિક્વેસ્ટના આધારે તમારા બેંક એકાઉન્ટ્સની ડિટેઇલ્સ પણ જાણી શકે છે.

પછી ફોન પર OTP જાણી લે છે

જે બાદ ફોન કરનાર વ્યક્તિ તમારી સર્વિસને વેરિફાય કરવા માટે તમારા ફોનમાં OTP આવ્યો કે નહીં તે જણાવવા કહે છે પરંતુ ખરો હેતું OTP શું આવ્યો તે જાણવાનો હોય છે.

બેંક એકાઉન્ટમાં ઘુસણખોરી

આવા વિશિંગ કોલનો હેતું તમારા બેંક એકાઉન્ટને હાઈજેક કરી તેમાંથી રુપિયાની ઉઠાંતરીનો હોય છે.

બીજા રાજ્ય કે વિદેશમાં થાય છે ટ્રાન્સફર

આ સ્કેમમાં તમારા એકાઉન્ટને હાઈજેક કરી તેના રુપિયા બીજા રાજ્યોમાં આવેલ રિમોટ એકાઉન્ટ અથવા વિદેશમાં ટ્રાન્સફર કરવામાં આવે છે.

આ બાબતોનો ધ્યાન રાખજો

જો તમે આ પ્રકારના સ્કેમથી બચવા માગો છો તો આ બાબતોનું રાખો ધ્યાન. કોઈપણ બેંકના કર્મચારી ક્યારેય તમારી પર્સનલ ડિટેઇલ્સ નથી પૂછતા. જો તમારા બેંક એકાઉન્ટ સંબંધી કોઈ ખાસ પ્રકારની મુશ્કેલી હોય તો તાત્કાલીક નજીકની બેંક બ્રાંચનો સંપર્ક કરો. ક્યારેય કોઈપણ સ્થિતિમાં OTP કે બેંક એકાઉન્ટ ડિટેલ્સ જાહેર કરો નહીં.

from Page Array – I Am Gujarat https://ift.tt/2I9ralW