ભાઈ અને મમ્મી સાથે ‘કલંક’ જોવા પહોંચી સારા, મેકઅપ વિના પણ લાગે છે સુંદર

પરિવાર સાથે જોવા મળી સારાઃ

એક પછી એક બે સુપરહિટ ફિલ્મો આપનારી સારા અલી ખાન ખાસ્સી ચર્ચામાં રહે છે. ટૂંકાગાળામાં તે મીડિયાની પણ ફેવરિટ બની ગઈ છે. સારાની પોપ્યુલારિટીમાં ખાસ્સો વધારો થયો છે. સારા અવારનવાર તેની માતા અમૃતા સાથે જોવા મળે છે. પરંતુ આ વખતે તેની સાથે માતા ઉપરાંત તેનો ભાઈ ઈબ્રાહિમ પણ હતો. આ ત્રણેય થિયેટરમાં કલંક ફિલ્મ જોવા પહોંચ્યા હતા.

મેક અપ વિના દેખાઈઃ

આ પ્રસંગે સારા અને અમૃતા બંને મેકઅપ વિના દેખાયા હતા. સારા મેક અપ વિના પણ ખૂબ સુંદર દેખાઈ રહી હતી. તેણે સિમ્પલ વ્હાઈટ ડ્રેસ પહેર્યો હતો. સારા, ઈબ્રાહિમ અને તેની માતાના ફોટોઝ સોશિયલ મીડિયા પર વાયરલ થઈ રહ્યા છે.

સારાએ પડાવ્યા ફોટોઝઃ

ગયા વખતની જેમ ભાગી જવાને બદલે સારાએ આ વખતે ફોટોગ્રાફર્સને ફોટા પાડવાનો ભરપૂર મોકો આપ્યો હતો. ઉલ્લેખનીય છે કે સારા ફોટોગ્રાફર્સ સાથે ખાસ્સી ફ્રેન્ડલી છે.

સહપરિવાર ફિલ્મ જોવા પહોંચીઃ

સારા સ્ટાર બની ગઈ હોવા છતાં પરિવાર સાથે સમય વીતાવવાનું પસંદ કરે છે. કલંક ફ્લોપ ફિલ્મ ઘોષિત થઈ હોવા છતાંય અમુક લોકો આ ફિલ્મ જોવા માંગે છે. સારા અને ઈબ્રાહિમે પાપારાઝીને આ દરમિયાન ખૂલીને પોઝ આપ્યા હતા.

કાર્તિક આર્યન સાથે દેખાશેઃ

વર્ક ફ્રન્ટની વાત કરીએ તો સારા હવે લવ આજ કલની સિક્વલમાં કાર્તિક આર્યન સાથે જોવા મળશે. આ ફિલ્મ આવતા વર્ષે વેલેન્ટાઈન્સ ડે પર રીલીઝ થશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2DugGKv