કર્મચારીઓને વોટિંગ માટે પ્રોત્સાહિત કરવા કંપનીઓની ઝુંબેશ

68903721

રત્ના ભૂષણ/પ્રાચી વર્મા દધવાલ

નવી દિલ્હી:ચૂંટણીની સિઝન જામી રહી છે ત્યારે કંપનીઓ પણ લોકશાહીનો આ ઉત્સવ મનાવવામાં પાછળ નથી. ફ્લિપકાર્ટે સ્ટાફ માટે મતદાતા નોંધણી કેમ્પનું આયોજન કર્યું છે. સેમસંગે બહારગામના કર્મચારીઓને મત આપવા એક દિવસની મંજૂરી આપી છે. ઉપરાંત, કંપનીએ આ દિવસને રજા તરીકે નહીં ગણવાનું વચન આપ્યું છે.

જ્યુબિલન્ટ ફૂડવર્ક્સ દ્વારા સંચાલિત ડોમિનોઝ અને ડન્કિન ડોનટ્સે મતદાન માટે એક દિવસની સત્તાવાર રજા જાહેર કરી છે. સ્વિગીએ ડિલિવરી સ્ટાફ માટે ‘પ્લેજ ટુ વોટ’ કેમ્પેન શરૂ કર્યું છે. વોલમાર્ટની માલિકીની ફ્લિપકાર્ટે સ્ટાફ અને તેમના પરિવારના સભ્યો માટે મતદાર નોંધણી કેમ્પ શરૂ કર્યા છે.

સેમસંગ એવી પહેલી કંપની બની છે જે સ્ટાફની મતદાન સંબંધી મુસાફરીને રજા તરીકે નહીં ગણે. કંપનીના પ્રવક્તાએ પણ આ વાતને સમર્થન આપ્યું છે. સ્વિગીના જણાવ્યા અનુસાર હાલ ચાલી રહેલા #VoteKaroPhirSwiggyKaro campaignના ભાગરૂપે મત આપનારા ડિલિવરી સ્ટાફને ‘સ્વિગી સ્માઇલ્સ’ રિવોર્ડ પોઇન્ટ્સ મળશે.

ઘણી કંપનીઓએ કર્મચારીઓને મતદાન માટે એક દિવસની રજા આપી છે. આવી કંપનીઓમાં L&T, M&M, ઇન્ફોસિસ, ડેલોઇટ, એક્સેન્ચર, H&M અને ટાઇટનનો સમાવેશ થાય છે. કેટલીક કંપનીઓ દરેક કર્મચારીને પ્રોત્સાહિત કરવા બ્રાન્ડની પ્રતિષ્ઠાનો ઉપયોગ કરી રહી છે.

જેમકે, BSEએ મતદાન માટે પ્રોત્સાહિત કરવા SMS કર્યા છે અને સોશિયલ મીડિયા પર તેણે મતદાનને પ્રોત્સાહન આપવા કેમ્પેન શરૂ કર્યું છે. અમુલ 10 દિવસ સુધી રોજ દૂધની 3.5 કરોડ થેલી પર ‘ગો એન્ડ વોટ’ મેસેજ પ્રિન્ટ કરી રહી છે.

ઇન્ટરનેટ પ્લેટફોર્મ્સ પર રાજકીય કેમ્પેન અને કેમ્પેનના વિવાદો ચલાવતી ગૂગલ અને ટ્વિટર પણ ચૂંટણી ઝુંબેશમાં સક્રિય છે. ટ્વિટર પ્રથમ વખતના મતદાતાને પ્રોત્સાહન આપવા #PowerOf18 કેમ્પેન ચલાવી રહી છે. ગૂગલે મતદાનની શાહી સાથેના ક્લાસિક વોટિંગ મીમ સાથે ડૂડલ કર્યું હતું.

from Page Array – I Am Gujarat http://bit.ly/2IACHuw