આંદામાનના આદિવાસીઓને ચૂંટણીમાં કોઈ રસ નથી, પોલિંગ બૂથ પર ચકલુંય ન ફરક્યું

શોમ્પન હટમાં પોલિંગ બૂથઃ

નવી દિલ્હી, પોર્ટ બ્લેરઃ દેશમાં લોકસભાની ચૂંટણીનો માહોલ છે અને પહેલા તબક્કાનું વોટિંગ પણ થઈ ગયું છે પરંતુ એક બૂથ એવું પણ છે જેના પર એકેય વોટ નથી પડ્યો. આ બૂથ દેશના દક્ષિણ હિસ્સામાં આવેલા આંદામાન અને નિકોબાર ટાપુના સૌથી અંતિમ છેડા પર આવેલા શોમ્પેન હટમાં છે. અહીં ગાઢ જંગલોમાં પથ્થર યુગથી આદિવાસીઓ વસે છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

ગયા વખતે બે આદિવાસીઓએ આપ્યો હતો વોટઃ

ગ્રેટ નિકોબાર ટાપુના દક્ષિણ છેડે ઈન્દિરા પોઈન્ટથી 20 કિ.મી દૂર શોમ્પેન હટ ટાપુ આવેલો છે. 2014માં યોજાયેલી ચૂંટણીમાં શોમ્પેન જાતિના આદિવાસીઓએ અહીં વોટ આપ્યો હતો જે ઈતિહાસમાં અભૂતપૂર્વ ઘટના હતી. આંદામાન અને નિકોબારના મુખ્ય ચૂંટણી અધિકારી કે.આર મીણાએ જણાવ્યું, “શોમ્પેન હટમાં બે બૂથ છે જેમાં એકમાં 66 અને બીજામાં 22 વોટર્સ છે. અમારી પોલિંગ પાર્ટી ત્યાં મતદાન માટે ગઈ હતી પણ આ વર્ષે એક પણ વોટ નથી પડ્યો.”

15 દિવસે જંગલમાંથી નીકળે છેઃ

તેમણે જણાવ્યું કે ગાઢ જંગલમાં વસતા આદિવાસી અઠવાડિયે એક વાર અથવા તો 15 દિવસે એક વાર બહાર નીકળીને શોમ્પન હટમાં રેશન લેવા આવે છે. સ્થાનિક અધિકારીઓ કપડા પર ગાંઠ બાંધી તેમને સૂચના આપે છે કે હજુ ચૂંટણીમાં કેટલા દિવસ બાકી છે. આદિવાસીઓ માટે આ પ્રકારની સાંકેતિક ભાષાનો ઉપયોગ થાય છે પરંતુ આ વખતે કોઈ વોટ આપવા ન આવ્યું. કદાચ એ વોટ આપવા જ ન માંગતા હોય.

આજ સુધી નથી આપ્યો વોટઃ

મતદાતાઓને જાગૃત કરવા માટે જંગલમાં ન જવા અંગે અધિકારીએ જણાવ્યું કે, “સુપ્રીમ કોર્ટ અને ટ્રાઈબલ મિનિસ્ટ્રીની સૂચના છે કે આદિવાસીઓ સિવાય કોઈએ પણ ગાઢ જંગલમાં ન જવું. અમે મદદ માટે તૈયાર છીએ પણ અમે તેમના પર દબાણ ન નાંખી શકીએ.” આંદામાન નિકોબાર દ્વીપ સમૂહ પર 6 અનુસૂચિત જાતિઓના આદિવાસી વસેલા છે. તેમાંથી જરવા અને સેન્ટિનલીસ આદિવાસીઓએ ચૂંટણીમાં આજસુધી વોટ નથી આપ્યો. અન્ય 4 જનજાતિઓમાં ગ્રેટર આંદામાી, નિકોબારિઝ, શોમ્પેન અને ઓન્ગેસ જાતિઓ છે.

from Page Array – I Am Gujarat http://bit.ly/2ZeqPUT