મુંબઈ: ટોઈલેટમાં દેખાયો અજગર, જોતાની સાથે જ મહિલા થઈ ગઈ બેભાન

ટોઈલેટમાં ગયાં અને….

મુંબઈઃ ભાંડુપના રહેવાસી વિનય ધોબલે જ્યારે વોશરુમમાં ગયાં તો તેમની આંખો પહોળી થઈ ગઈ હતી. તેમણે જે જોયું તે દુઃસ્વપ્નથી ઓછું નહોતું. તેમના વોશરુમમાં સાત ફૂટ લાંબો મહાકાય અજગર આવી ચડ્યો હતો. વિનય ધોબલેએ ઝડપથી બહાર નીકળીને બારણું બંધ કર્યું હતું. વિનયે જણાવ્યું કે,’મેં જેવો ટોઈલેટમાં અજગર જોયો કે મારા મોતિયા મરી ગયા હતાં. તે કમોડમાં વચ્ચોવચ્ચ ફસાઈને પડ્યો હતો.’

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પાડોશીઓની લીધી મદદ

ધોબલે મ્યુનિસિપલ ક્વાર્ટર્સમાં તેની પત્ની અને દિકરા સાથે ગ્રાઉન્ડ ફ્લોર પર રહે છે. અજગરને જોયા પછી તેણે પાડોશીઓની મદદ લીધી હતી. તેણે જણાવ્યું કે,’મારા પાડોશી અક્ષય પાટકર પાસે અજગર પકડવાની સંસ્થાનો નંબર હતો. જેણે અમારી મદદ કરી હતી. અજગરના કારણે અમે આખી રાત સૂઈ શક્યાં નહોતાં. મારા દીકરાઓ અને મારી પત્ની ખૂબ જ ડરી ગયાં હતાં.’

બેભાન થઈ ગઈ હતી પત્ની

આ બધી ધમાલ પછી રાતે આશરે 2 વાગ્યાની આજુબાજુ રેસ્ક્યૂ ટીમ પહોંચી હતી અને અજગરને કમોડમાંથી બહાર કાઢ્યો હતો. આ રેસ્ક્યૂ ઓપરેશન આશરે 45 મિનિટ સુધી ચાલ્યું હતું. જે દરમિયાન આજુબાજુના લોકો પણ ભેગા થઈ ગયાં હતાં. જ્યારે અજગરને બહાર કાઢવામાં આવ્યો ત્યારે તેનું મહાકાય રુપ જોઈને વિનયની પત્ની બેભાન થઈ ગઈ હતી.

પકડાયો અન્ય એક અજગર

ધોબલેનું આવાસ સંજય ગાંધી નેશનલ પાર્કની પાસે જ આવેલું છે. વિનય ધોબલેના ઘરમાંથી અજગર પકડાયાના થોડા જ કલાકો પછી આ જ વિસ્તારમાંથી અન્ય એક અજગર પણ પકડાયો હતો. રેસ્ક્યૂ ટીમના સભ્ય પવન શર્માએ જણાવ્યું હતું કે,’અજગર ત્યાં સુધી કેવી રીતે પહોંચ્યો તેની જાણ નથી પરંતુ બની શકે કે ઉંદરને પકડવામાં જ તે ડ્રેનેજ પાઈપમાં ઘૂસી ગયો હોય અને અહીં સુધી આવી ગયો હોય.’

પરિવારે લીધો રાહતનો શ્વાસ

અડધી રાતે જેવું અજગરનું રેસ્ક્યૂ ઓપરેશન પૂરું થયું કે તરત જ વિનય સહિત આસપાસના લોકોએ પણ રાહતનો શ્વાસ લીધો હતો. સાત ફૂટનો આ મહાકાય અજગર જોઈને પાડોશીઓને પણ પરસેવો છૂટી ગયો હતો. નોંધનીય છે કે અનેકવાર ઉનાળામાં ઠંડક મેળવવામાં પણ અજગર અને સાપ ડ્રેનેજ પાઈપમાં ઘૂસી જતાં હોય છે. જેને લીધે પણ આવી ઘટનાઓ સામે આવતી હોય છે.

from Page Array – I Am Gujarat http://bit.ly/2OTxQ8T