ભાજપની ટોપી ન પહેરનારી મુસ્લિમ યુવતીની સતમાણી કરાઈ

મેરઠ: ઉત્તર પ્રદેશના મેરઠમાં 22 વર્ષની યુવતીની નશામાં ધૂત તેના ક્લાસમેટ્સે કથિત રીતે સતામણી કરી હોવાનો મામલો સામે આવ્યો છે. વિદ્યાર્થિનીએ ટ્વિટર પર આ ઘટનાનો ઉલ્લેખ કરતા જણાવ્યું કે, કોલેજ ટ્રિપ દરમિયાન ભાજપની ટોપી ન પહેરવા પર બે વિદ્યાર્થીઓએ તેની છેડતી કરી. આરોપી વિદ્યાર્થીઓ દારુ પીધેલી હાલતમાં હતા. તે પછી કોલેજે એક્શન લેતા બંને આરોપી વિદ્યાર્થીઓને બરતરફ કરી દીધા.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ઘટનાનો ઉલ્લેખ કરતા પીડિતાએ ટ્વીટ કર્યુ કે, ‘2 એપ્રિલએ હું કોલેજ ટ્રિપ પર આગ્રા ગઈ હતી. 55 વિદ્યાર્થીઓમાંથી હું એકમાત્ર મુસ્લિમ વિદ્યાર્થિની હતી. અમારી સાથે 4 ફેકલ્ટી મેમ્બર પણ હતા, જેમાંથી 2 પુરુષ હતા… દારૂ પીધા બાદ વિદ્યાર્થીઓએ ખરાબ હરકતો શરૂ કરી દીધી અને તેમણે મને ટાર્ગેટ બનાવી.’ તેણે ટ્વિટર પર લખ્યું કે, ‘તે કંઈક સમાન લઈને આવ્યા હતા, જેમકે ભાજપની ટોપીઓ વગેરે અને તેમણે મને તે પહેરવા માટે દબાણ કર્યું. જ્યારે મેં ના પાડી દીધી તો તેમણે મારી સાથે ગરવર્તણૂક શરૂ કરી દીધી… તેમણે મને ખોટી રીતે સ્પર્થ કરવાનું શરૂ કરી દીધું અને આ બધું બસમાં થઈ રહ્યું હતું, જેમાં બે પુરુષ ફેકલ્ટી મેમ્બર પણ ઉપસ્થિત હતા, પરંતુ તેમણે બધું ઈગ્નોર કર્યું.’

કોલેજે બંને વિદ્યાર્થીઓને બરતરફ કરી દીધા
કોલેજે લેખિત ફરિયાદના આધારે બંને વિદ્યાર્થીઓને બરતરફ કરી દીધા. કોલેજના ડાયરેક્ટર એસએમ શર્માએ જણાવ્યું કે, ‘ટ્રિપ પર 4 વરિષ્ઠ લેક્ચરર પણ ઉપસ્થિત હતા. તેમણે ઘટના વિશે રિપોર્ટ ન કર્યો. પીડિતાએ લેખિત ફરિયાદની સાથે અમારો સંપર્ક કર્યો હતો, તે પછી અમે કાર્યાવાહી કરતા વિદ્યાર્થીઓને બરતરફ કરી દીધા. હવે આ મામલો આંતરિક ફરિયાદ સમિતિને મોકલવામાં આવશે, જે તેની તપાસ કરશે.’

યુવતીએ આ સમગ્ર મામલે કહ્યું કે, ‘હું એ જ કહીશ કે જે મેં ટ્વિટમાં કહ્યું. જોકે, હું તેના પર વાત નહીં કરવા ઈચ્છું, કેમકે કોલેજ મામલાને જોઈ રહી છે અને મને આશા છે કે, તે સારી રીતે થશે. મારી સાથે જે થયું તેની સામે હું લડી રહી છું.’ વિદ્યાર્થિનીએ બસમાં હાજર ફેકલ્ટી મેમ્બર પર પણ મામલામાં કંઈ ન બોલવાનો આરોપ લગાવ્યો. તેણે જણાવ્યું કે, ‘બસમાં ફેકલ્ટી મેમ્બરે મામલામાં દરમિયાનગીરી ન કરી. હવે તે મને પૂછઈ રહ્યા છેકે મેં તેમનો સંપર્ક કેમ ન કર્યો.’

ટ્વિટ ઝડપથી વાઈરલ, શશિ થરૂરે કેન્દ્ર પર સાધ્યું નિશાન
વિદ્યાર્થિનીએ જણાવ્યું કે, ‘મને હવે મારી સુરક્ષા અને ખાતરીની જરૂર છે કે હવે તે છોકરા મને કોલેજની અંદર કે બહાર નુકસાન ન પહોંચાડે. મેં કોલેજને આ અંગે વાત કરી, પરંતુ તેમણે મને હજુ આશ્વાસન નથી આપ્યું. તે ઉપરાંત એ બંને વિદ્યાર્થીઓને બરતરફ કરવા અંગે મને જાણ નથી કરાઈ.’ વિદ્યાર્થિનીની ટ્વિટ ઝડપથી વાઈરલ થઈ રહી છે. કોંગ્રેસ સાંસદ શશિ થરૂરે કહ્યું કે, ‘જો આ મોદીનું ન્યૂ ઈન્ડિયા છે, તો હું અમારું ઓલ્ડ ઈન્ડિયા પાછું ઈચ્છું છું.’

from Page Array – I Am Gujarat http://bit.ly/2uMYsiD