ચાર હાથથી જ ખૂલી શકશે આ ‘કોન્ડમ’, કારણ જાણી દંગ રહી જશો

યૌન સંબંધ દરમિયાન જરુરી છે કોન્ડમ

ડોક્ટર્સ યૌન સંબંધ દરમિયાન એઈડ્સ, ગોનોરસ, સિફિલિયા જેવા રોગોથી બચવા માટે કોન્ડમ પહેરવાની સલાહ આપે છે. હવે બજારમાં અનેક પ્રકારના કોન્ડમ મળે છે. જેમાં ફ્લેવર્ડ, ગ્લો ઈન ડાર્ક, સ્ટ્રિપ્ડ, થિક એન્ડ થિન, ડોટેડ તેમજ રંગબેરંગી કોન્ડમનો સમાવેશ થાય છે. જોકે, શું તમે ક્યારેય એવા કોન્ડમ વિશે સાંભળ્યું છે. જેનું બોક્સ એકલા વ્યક્તિથી નહીં પરંતુ બે વ્યક્તિથી જ ખુલી શકશે. જો નહીં, તો આવો અમે તમને જણાવીએ છીએ આ કોન્ડમની ખાસિયત….

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કેવી છે ડિઝાઈન?

કોન્ડમના આ બોક્સની ડિઝાઈન જ ખાસ રીતે કરવામાં આવી છે. આ બોક્સની ડિઝાઈન એવી રીતે કરવામાં આવી છે કે, જો વ્યક્તિ એકલો હશે તો આ કોન્ડમને ખોલી નહીં શકે. બન્ને પાર્ટનર્સ સાથે મળીને જ આ કોન્ડમને ખોલી શકશે.

આવી ડિઝાઈન રાખવાનું કારણ

Tulipán નામની સેક્સ ટોય બનાવતી કંપનીએ આ કોન્ડમ બનાવ્યું છે. આ કોન્ડમની ડિઝાઈન વિશિષ્ટ પ્રકારના રબ્બરથી કરવામાં આવી છે. આવી ડિઝાઈન રાખવાનું કારણ એ છે કે બન્ને પાર્ટનર્સની સહમતિ હોય તો જ કોન્ડમની મદદથી સેક્સ માણી શકાશે.

કેવી રીતે કરશે કામ?

આ બોક્સમાં આઠ બટન આપેલાં છે. આ બોક્સને ખોલવા માટે તેના ચારે ખૂણે હળવેથી એક જ સમયે દબાણ આપવું પડશે. આમ કરવાથી જ બોક્સ ખૂલી શકશે. આ બોક્સ ઉપર ટેગલાઈન લખેલી છે કે “If it’s not a yes, it’s a no.”

કંપની કરી રહી છે ટેસ્ટિંગ

હાલ આ કોન્ડમ બજારમાં ઉપલબ્ધ નથી પરંતુ કંપની તેને ટેસ્ટિંગ માટે બાર અને હોટેલ્સમાં પહોંચાડી રહી છે. કંપનીનું કહેવું છે કે વર્ષના અંત સુધીમાં આ પ્રોડક્ટ બજારમાં આવી જશે. (તમામ તસવીરોઃ ટ્વિટર પરથી સાભાર)

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2CYRxrn