બોર્ડિંગ પાસ પાછો લઈ લેવાયોઃ
પ્રિટી ઝિન્ટા અને એક્સ બૉયફ્રેન્ડ નેસ વાડિયા વચ્ચેનો ઝઘડો જગજાહેર છે. હવે નેસ વાડિયાએ પ્રિટી ઝિન્ટાને તેની માલિકીની ગો એરની ફ્લાઈટમાં ન ચડવા દેવાનો આદેશ કરતા 30 માર્ચની સવારે મુંબઈ એરપોર્ટ પર મોટી બબાલ થઈ હતી. પ્રિટીએ સવારની સાડા આઠની મુંબઈથી ચંડીગઢની ગો એરની ફ્લાઈટ બુક કરી હતી. તેની કિંગ્સ 11 ટીમે 9.20ની ફ્લાઈટ બુક કરી હતી. પ્રિટી એરપોર્ટ પહોંચી ત્યારે તેને સ્ટાફનો ફોન આવ્યો કે તેને બોર્ડિંગ પાસ આપવામાં આવ્યો હતો પરંતુ પછી તે પાછો લઈ લેવાયો હતો.
હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો
GoAirના સ્ટાફને સૂચનાઃ
એરપોર્ટ પહોંચતા જ પ્રિટીએ આખા મામલાની પૂછતાછ કરી તો તેને GoAirના સ્ટાફે જણાવ્યું કે તેમને કડક સૂચના છે કે પ્રિટીને તેમની ફ્લાઈટમાં ટ્રાવેલ કરવા દેવામાં ન આવે. પ્રિટીએ આ વાત સામે સખત વિરોધ નોંધાવ્યો હતો. વાસ્તવમાં GoAirના એરક્રાફ્ટ સરકારની માલિકીના છે, તેના એક્સ બોયફ્રેન્ડ નેસ વાડિયાના નહિ. નેસ એરલાઈનનો ઓનર હોઈ શકે પરંતુ તેની પાસે ગો એરમાં કોણ કોણ જઈ શકે અને કોણ નહિ તે નક્કી કરવાની સત્તા નથી. નેસની આ હરકતને કારણે મોટી બબાલ થઈ હતી.
નેસે લીધો બદલોઃ
એરલાઈને તેમને ઉચ્ચ અધિકારીઓને ફોન કરતા છેલ્લી ઘડીએ આ પ્રોબ્લેમ સોલ્વ થઈ ગયો હતો પરંતુ પ્રિટીએ નેસે આવું પગલું ભર્યું તે બદલ પોતાની ઘૃણા જાહેર કરી દીધી હતી. એક સૂત્રએ સ્પોટબૉય વેબસાઈટને જણાવ્યું, ” પ્રિટીને ત્રણ મહિના પહેલા સાંભળવા મળ્યું હતું કે નેસે તેને ગો એરની ફ્લાઈટમાં બેન કરી દીધી છે પરંતુ તેણે આ વાતને સાચી નહતી માની. ત્યારે પ્રિટી ગોએરની ફ્લાઈટથી જમ્મુ જવાની હતી. પરંતુ રવિવાર હોવાથી તેને ઊઠવામાં મોડું થઈ ગયું. થોડી વાર રહીને તેના સ્ટાફને ટ્રાવેલ એજન્ટનો ફોન આવ્યો કે પ્રિટી મોડેસુધી સૂતી રહી તે સારુ થયું નહિં તો એરપોર્ટ પર તમાશો થાત. ગો એરે પ્રિટીને તેમની બધી જ ફ્લાઈટ્સમાં બેન કરી દીધી છે.”
from Page Array – I Am Gujarat http://bit.ly/2YSbV6L
No comments:
Post a Comment