ચૂંટણી ઈતિહાસ પર એક નજર
રાજનીતિનો અર્થ એ પણ થાય છે કે, રાજ કરવાની નીતિ. હાલમાં ચૂંટણીનો માહોલ છે ત્યારે દરેક રાજકીયપક્ષ પોતાના પક્ષને જીતાડવા માટે વ્યૂહરચના ગોઠવે છે. દરેક નેતા પોતપોતાની રીતે પ્રજાને રીઝવવા માટે કમરકસી રહ્યા છે. આ સાથે વિપક્ષના દરેક પગલાં પર બાજનજર રાખી રહ્યા છે. આક્ષેપથી લઈને નબળાઈઓ પર શાબ્દિક પ્રહાર કરવામાં નેતાઓ એક પણ તક ચૂકતા નથી. દેશના ચૂંટણી ઈતિહાસમાં નજર કરીએ તો એક એવો પણ કિસ્સો છે કે, ઈન્દિરા ગાંધીએ વાજપેય સામે જે ચાલ રમી હતી જેથી વાજપેયની રેલી ફ્લોપ થઈ જાય.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
રામલીલા મેદાન પરની રેલી
જાણીતા પત્રકાર તવલીનસિંહે બીબીસી સાથેની એક વાતચીતમાં આ કિસ્સાનો ઉલ્લેખ કર્યો હતો. સિંહે જણાવ્યું હતું કે, વર્ષ 1977માં દિલ્હીના રામલીલા મેદાનમાં ઈન્દિરા ગાંધી સરકાર સામે ભાજપની રેલીનું આયોજન કરવામાં આવ્યું હતું. અટલ બિહારી વાજપેય આ રેલીને સંબોધીત કરવાના હતા. ઈન્દિરા ગાંધીની સરકારની નીતિ કટોકટીને કારણે મજબૂત ન હતી. પ્રજામાં રોષ ભભૂકી રહ્યો હતો. એવામાં વાજપેયની રેલીને નિષ્ફળ કરવા માટે એવી યુક્તિ અજમાવી હતી જેની આજે પણ ચર્ચા થાય છે.
દૂરદર્શન પર ફિલ્મ
પત્રકાર આગળ વાત કરતા કહે છે કે, વાજપેયની એ રેલી વિન્ટેજ રેલીનું એક બેસ્ટ ઉદાહરણ હતું. શિયાળાનો સમય હતો અને હાડધ્રુજાવી દે તેવી ઠંડી પડી રહી હતી. આ સાથે દિલ્હીમાં થોડો વરસાદ પણ પડી રહ્યો હતો. કેન્દ્ર સરકારથી રોષે ભરાયેલા લોકો અને ભાજપના સમર્થકો વાજપેયને સાંભળવા માટે આવ્યા હતા. રામલીલા મેદાનમાં ખૂબ ભીડ હતી. ઈન્દિરા ગાંધી એવું ઈચ્છતા હતા કે, આ રેલી નિષ્ફળ થઈ જાય. એ સમયે ઈન્દિરા ગાંધીએ દુરદર્શન પર સુપરહિટ ફિલ્મ ‘બોબી’નું પ્રસારણ કરાવ્યું હતું. જેથી લોકો ફિલ્મ જોવામાં વ્યસ્ત રહે અને વાજપેયની રેલી ફ્લોપ થઈ જાય.
5 કલાક સુધી રાહ જોઈ
ભાજપની રેલી સાંજે 4 વાગ્યે શરૂ થઈ. અટલ બિહારી વાજપેયનો વારો આવતા રાત્રીના 9.00 વાગી ગયા હતા. એ સમયે એકઠા થયેલા લોકોએ ન ઠંડીની ચિંતા કરી કે ના ફિલ્મ બોબીની. એ સમયે લોકો પર વાજપેયની એક અસર હતી. તેમનો એક ચાહકવર્ગ પણ હતો. જેથી મોટી સંખ્યામાં લોકો તેમને સાંભળવા માટે રોકાયા હતા. આ ઘટનાનો ઉલ્લેખ જૂન 2018માં કેન્દ્રીય મંત્રી અરૂણ જેટલીએ પોતાના ફેસબુક પોસ્ટમાં કર્યો હતો.
from Page Array – I Am Gujarat http://bit.ly/2YXTEVM
No comments:
Post a Comment