વેકેશનમાં ફેમિલી સાથે મસ્તી કરવા બેસ્ટ છે દેશના આ અમ્યૂઝમેન્ટ પાર્ક

દેશમાં આવેલા બેસ્ટ થીમ પાર્ક

ભારતમાં ઘણા થીમ અને અમ્યૂઝમેન્ટ પાર્ક આવેલા છે. જેમાંથી કેટલાક બેસ્ટ અમ્યૂઝમેન્ટ પાર્ક વિશે માહિતી આપીશું. આ પાર્ક એવા છે જેની રાઈડ્સમાં બેસીને તમે પણ કહેશો કે, પૈસા વસૂલ છે! રજાઓમાં ફરવા માટે પર્વતો કે દરિયાકિનારે ન જવું હોય તો ફેમિલી કે ફ્રેંડ્સ સાથે અમ્યૂઝમેન્ટ પાર્કમાં જઈને મજા કરી શકો છો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ઈમેજિકા

આ ભારતના સૌથી હાઈટેક પાર્ક પૈકીનું એક છે. આ પાર્કની શરૂઆત 2013માં થઈ. અહીં 25થી વધુ થીમ રાઈડ્સ છે. ભારતનું સૌથી મોટું રોલરકોસ્ટર અને 4D સ્ટિમ્યુલેશન રાઈડ પણ સામેલ છે. આ પાર્ક મુંબઈ અને પૂનાની વચ્ચે ખણપોલીમાં આવેલું છે.

કિંગડમ ઓફ ડ્રીમ્સ

2010માં આ પાર્કનો પ્રારંભ થયો. લાઈવ મનોરંજન આ બેસ્ટે ડેસ્ટિનેશન છે. અહીં તમને ભારતીય સંસ્કૃતિની ઝલક જોવા મળશે. અહીંની કલ્ચર ગેલેરી ખાસ જોવાલાયક છે. આ સિવાય લાઈવ પ્રોડક્શન માટે સ્ટેટ ઓફ ધ આર્ટ ઓડિટોરિયમ છે. આ થીમ પાર્ક ગુરુગ્રામના ઈફકો ચોક મેટ્રો સ્ટેશન પાસે આવેલું છે.

વંડરલા બેંગલુરુ

વંડરલા વર્લ્ડ ક્લાસ અમ્યૂઝમેન્ટ પાર્ક ચેઈન છે. બેંગલુરુમાં આવેલા આ પાર્કને શ્રેષ્ઠ ગણવામાં આવે છે. અહીં 50થી વધુ રાઈડ્સ છે. 12 વૉટર રાઈડ્સ, 13 ખાસ નાના બાળકો માટેની રાઈડ છે. આ પાર્ક બેંગલુરુ-મૈસૂર હાઈવે પર આવેલો છે.

વંડરલા કોચ્ચી

આ પાર્કમાં 40 રાઈડ્સ છે. અહીં 3D થિયેટર પણ છે. આ પાર્ક કોચ્ચીના પલ્લિકકારામાં આવેલું છે.

વંડરલા હૈદરાબાદ

આ પાર્કનું ઓપનિંગ 2016માં થયું હતું. અહીં લગભગ 43 રાઈડ્સ છે. જેમાંથી 18 વૉટર રાઈડ્સ અને 6 હાઈ થ્રિલ રાઈડ્સ છે. આ સિવાય અહીં રિવર્સ લૂપિંગ રોલર કોસ્ટર છે. આ પાર્ક હૈદરાબાદ એરપોર્ટ નજીક આવેલું છે.

રામોજી ફિલ્મ સિટી

હૈદરાબાદમાં આવેલું આ મોટું ફિલ્મ સ્ટૂડિયો કોમ્પ્લેક્સ છે જ્યાં દર વર્ષે હજારો ભારતીય ફિલ્મોના શૂટિંગ થાય છે. આ સિવાય અહીં બર્ડ પાર્ક, રાઈડ્સની સાથે થીમ પાર્ક, એડવેન્ચર પાર્ક અને એન્ટરટેનમેન્ટ પાર્ક છે.

વાંચો, હૈદરાબાદઃ રામોજી ફિલ્મ સિટીમાં આ જગ્યાઓ જોવાનું ભૂલશો નહીં

એસેલ વર્લ્ડ એન્ડ વૉટર કિંગડમ

1999માં બનેલું એસેલ વર્લ્ડ ભારતનું પહેલું અમ્યૂઝમેન્ટ પાર્ક છે. આ ભારતના સૌથી મોટા પાર્કમાંથી એક છે અને લોકોનું મનપસંદ છે. અહીં 30થી વધુ રાઈડ છે. જેમાં વૉટર કિંગડમ વૉટર પાર્ક, આઈસ સ્કેટિંગ રિંક અને એક્વાડ્રોમ ડાન્સફ્લોર પણ છે. આ પાર્ક મુંબઈના ગોરાઈમાં આવેલું છે.

ડેલા એડવેન્ચર પાર્ક

જો તમને એડવેન્ચર ગમતું હોય તો આ જગ્યા તમારા માટે બેસ્ટ છે. અહીં તમે પેન્ટબોલ, એટીવી રાઈડ્સ, ડર્ટ બાઈક્સ, શૂટિંગ, રોક ક્લાઈમ્બિંગ, હોર્સ રાઈડિંગ વગેરે કરી શકો છો. જે લોકો અહીં રોકાવવા માગે છે તેમના માટે રિસોર્ટની વ્યવસ્થા છે. આ પાર્ક મુંબઈ અને લોનાવાલાની વચ્ચે આવેલું છે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2IoWFt2