સલમાન ખાને ‘ભારત’નું વધુ એક પોસ્ટર શેર કર્યું, ટ્વિટ કરીને કહી આ વાત

પોસ્ટ ટ્વિટ કર્યું

સલમાન ખાન અને કેટરિના કૈફની નવી ફિલ્મ ‘ભારત’નું વધુ એક પોસ્ટર સલમાન ખાને પોતાના ટ્વિટર એકાઉન્ટ પર પોસ્ટ કર્યું છે. આમ તેણે ફિલ્મ ‘ભારત’નું નવું પોસ્ટર લોન્ચ કર્યું છે. આ પોસ્ટર સાથે સલમાનનું દર્દ પણ છલકાયું હતું. આ પોસ્ટરમાં સલમાન ખાન અને કેટરિના કૈફ બંને સાથે જોવા મળી રહ્યા છે. ટ્વિટ કરતા તેણે લખ્યું હતું કે, હર મુસ્કુરાતે ચેહરે કે પીછે દર્દ છુપા હોતા હૈ ઔર વહી દર્દ આપકો જિંદા રખતા હૈ.

પોસ્ટરમાં બીજું શું છે?

આ પોસ્ટરમાં આ ફિલ્મના નામ સિવાય પણ એક ટેગલાઈન લખવામાં આવી છે. જે પોસ્ટરમાં 1990ના સમયનો એક સિન દેખાડી રહી છે. આ ફિલ્મમાં દેશ અને સલમાન ખાનની જર્નીને એક સાથે રજૂ કરવામાં આવી છે. સલમાન સાથે આ ફિલ્મમાં જેકી શ્રોફ, તબ્બુ, દિશા પટણી અને સુનિલ ગ્રોવર એક મહત્ત્વની ભૂમિકા અદા કરી રહ્યા છે. આ ફિલ્મ ઈદના દિવસે રિલીઝ થવાની છે.જ્યારે ફિલ્મનું ટ્રેલર એપ્રિલ મહિનાના ત્રીજા અઠવાડિયામાં રિલીઝ થશે

જુદા જુદા અવતારમાં

આ ફિલ્મમાં સલમાન ખાન પાંચ જુદા જુદા અવતારમાં જોવા મળશે. આ પહેલા તેનો મુંછવાળો એક લુક જોવા મળ્યો હતો. આ ટ્વિટ સાથે તેણે એક હેશટેગ ભારતકાવાદા પણ શેર કર્યું છે. આ પોસ્ટરમાં સલમાન બ્લુશર્ટ સાથે બ્લેઝરમાં જોવા મળ્યો હતો જ્યારે કેટરિના કૈફ સાડીમાં જોવા મળી રહી હતી. આ ફિલ્મ એક કોરિયન ફિલ્મની રિમેક છે. આ ફિલ્મનું નામ An Ode To My Father છે.

આ એક્ટ્રેસને થઈ હતી ઓફર

પહેલા પોસ્ટરમાં જેકી શ્રોફ અને દિશા પટણી જોવા મળ્યા હતા. આ પોસ્ટરમાં તેણે કેટરિના કૈફને ઈન્ટ્રોડ્યુસ કરી છે. છઠ્ઠી વખત સલમાન ખાન અને કેટરીના કૈફ ઓનસ્ક્રિન સાથે જોવા મળશે. આ પહેલા આ ફિલ્મ પ્રિયંકા ચોપરાને ઓફર કરવામાં આવી હતી. પણ કોઈ કારણોસર અંતે આ પસંદગી કેટરીના કૈફ પર ઊતારવામાં આવી હતી. અલી અબ્બાસ ઝફર આ ફિલ્મને ડાયરેક્ટ કરી રહ્યા છે.

 

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2Va2oZO