હિમમાનવ કલ્પના છે કે વાસ્તવિકતા? આટલું જાણીને તમારા હોશ ઉડી જશે

કલ્પના કે વાસ્તવિકતા?

વાત છે 1951ની. બ્રિટિશ એક્સપ્લોરર એરિક શિપ્ટન માઉન્ટ એવરેસ્ટ પર ચડવા માટે બીજો રૂટ શોધી રહ્યો હતો. એ સમયે તેને બરફમાં વિશાળકાય પગલા દેખાયા. તેણે આ પગલાનો ફોટો પાડ્યો અને ત્યારથી જ યતિ એટલે કે હિમમાનવ અંગે આખી દુનિયામાં ફરી ચર્ચા શરૂ થઈ ગઈ છે. ઈન્ડિયન આર્મીએ યતિના પગના નિશાનના ફોટોઝ ટ્વીટ કરતા આખી દુનિયામાં ફરી હિમમાનવ કલ્પના છે કે વાસ્તવિકતા તે અંગે ચર્ચા શરૂ થઈ ગઈ છે. નેશનલ જિયોગ્રાફિકે પણ આ વાતને ટેકો આપ્યો છે કે હિમાલયના ઉચ્ચ વિસ્તારો, જ્યાં ભાગ્યે જ પહોંચવું શક્ય છે ત્યાં એવા પગના નિશાનો મળી આવ્યા છે જે માણસના કે કોઈ પશુના નથી. આ નિશાનની ખાસ વાત એ છે કે તે ખરેખર ખૂબ જ શાર્પ છે. બરફ એટલો કઠણ હતો કે આ પગલા તેમાં પ્લાસ્ટર ઑફ પેરિસમાં છાપ પડે તે રીતે છપાઈ ગયા હતા. પગલા મહદંશે માણસ જેવા હતા, તેમાં અંગૂઠો પણ દેખાતો હતો પણ નવાઈની વાત એ છે કે તે 13 ઈંચ મોટા હતા. મતલબ કે આ મનુષ્ય જેવુ એવું કોઈ વિશાળ પ્રાણી છે જેના પગના પંજા ખૂબ જ મોટા છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

કેવો દેખાય છે હિમમાનવ?

હિમાલય, સાઈબિરિયા, મધ્ય અને પૂર્વ એશિયાના બર્ફીલા પ્રદેશોમાં રહેતો હિમમાનવ માણસો કરતા ઘણો વધારે ઊંચો છે. હિમાલયમાંથી તેમના વાળના સેમ્પલ મળી આવ્યા છે તે અત્યારે નાશપ્રાય થઈ ગયેલા રીંછને મળતા આવે છે. આથી હિમમાનવનો ચહેરો રીંછ કે પછી વાનર જેવો હોવાનો એક અંદાજ છે. તેમના વાળ, નખ, હાડકા કે અન્ય અવશેષોના DNA પરીક્ષણ આ પૃથ્વી પર હયાત કે જાણીતા કોઈપણ પ્રાણીને મળતા આવતા નથી. તેમના રહસ્યમય DNA સૌથી વધુ પોલર બેર એટલે કે ધ્રુવીય રીંછને મળતા આવે છે. આ હિમમાનવ લગભગ 19000 ફીટની ઊંચાઈ પર રહેતા હોવાનું મનાય છે જ્યાં ન તો કોઈ માણસો જોવા મળે છે, ન તો પ્રાણીઓ, ન તો વનસ્પતિ. આ હિમમાનવ શું ખાઈને જીવે છે? કેટલા વર્ષ જીવે છે તે આજે પણ દુનિયા માટે એક મિસ્ટ્રી છે. હિમાલયના મકાલુ-બરુન નેશનલ પાર્ક વિસ્તારમાં યતિ રહેતા હોવાનું મનાય છે.

હિમમાનવ વિષે આવી છે વાયકાઃ

હિમમાનવ વિષે સૌથી વધુ પ્રચલિત વાયકા નેપાલ, ભૂટાન અને તિબેટ દેશોમાં છે કારણ કે આ ત્રણેય હિમાલય સાથે જોડાયેલા છે. 326 BCમાં જ્યારે એલેક્ઝાન્ડર દુનિયા જીતવા નીકળ્યો હતો ત્યારે તેણે યતિની વાયકા સાંભળી હતી અને તેને જોવાની જીદ પકડી હતી. જો કે એ વાત અલગ છે કે તેને યતિ જોવા નહતા મળ્યા. પરંતુ યતિ અંગે માન્યતા આટલી પ્રબળ કેમ છે? તેના પગના પંજાના ફોટોગ્રાફ પછી આખી દુનિયા યતિના અસ્તિત્વને માનવા માંડી છે પરંતુ હજુ સુધી તેના ઠોસ પુરાવા મળવાના બાકી છે. તમને જાણીને નવાઈ લાગશે પણ 1951માં આખી દુનિયામાં યતિનું ઘેલુ એટલું વધી ગયું હતું કે નેપાળની સરકારે 1950ના દાયકામાં યતિને પકડવાના લાયસન્સ પણ આપ્યા હતા જો કે તેમાં કોઈને સફળતા મળી નથી.

આ વ્યક્તિએ કર્યો છે હિમમાનવને જોયાનો દાવોઃ

1951માં એરિક શિપટને યતિના ફૂટપ્રિન્ટનો ફોટો પાડ્યા પછી 1959માં બ્રાયન બાયરને પણ અરૂણ વેલીમાં 1959માં યતિના પગના પંજા જોયા હતા. ઈટાલીના પર્વતારોહક રેઈનહોલ્ડ મેસનરે દાવો કર્યો છે કે તેણે યતિને જોયો છે. 1986ના દાયકામાં તે ટિબરની આસપાસના વિસ્તારમાં ચાલવા નીકળ્યો હતો અને રસ્તો ભટકી ગયો હતો. ત્યારે પરોઢિયે તેણે તેની આગળ એક વિશાળ કાળુ પ્રાણી જોયું હતું. તે માણસ જેવું જ હતું પણ અનેકગણું ઝડપી અને વધુ મજબૂત હતું. રાત્રે તેણે ફરી તેને જોયું. મેસનરના દાવા મુજબ તે 7 ફૂટ લાંબો યતિ હતો. તે આ ઘટનાથી એટલો હતપ્રભ થઈ ગયો કે તેણે યતિને શોધવા 12 વર્ષ હિમાલયમાં વીતાવ્યા પણ તેને ફરી ન જોવા મળ્યું.

હિમાલયનો હિસ્સો બની ગયું છે યતિઃ

આજે યતિ હિમાલયના કલ્ચરનો એક ભાગ બની ગયો છે. તમને ભારત, ભૂટાન, નેપાળ અને તિબેટમાં તેના નામ પર અનેક બિઝનેસ જોવા મળશે. જેમ કે નેપાળમાં હોટેલનું નામ યતિ છે, તેના નામ પર એરલાઈન્સ પણ છે. યતિની મિસ્ટ્રી સંપૂર્ણપણે ઉકેલાઈ શકી નથી પરંતુ તેના અંગે ઉત્સુકતા બધામાં જ છે. વર્ષોના ગાળા બાદ જ્યારે હિમાલય ખેડનાર વ્યક્તિ યતિના પગલા કે અવશેષો અંગે વાત કરે ત્યારે આખી દુનિયા ફરી બરફમાં રહેતા હિમમાનવ અંગે તર્ક તુક્કા દોડાવવા માંડે ે.

from Dharma Adhyatma News in Gujarati: Latest Dharma Adhyatma News, Read Breaking Dharma Adhyatma News on Iamgujarat.com – Page Array – I Am Gujarat http://bit.ly/2DGv6Y4