જૂનું ઘર વેચી નવું ઘર લેવાનો વિચાર કરતા લોકોને મળી મોટી રાહત

જૂનું ઘર વેચી નવું ઘર લેવું છે તો તમારા માટે મહત્વના સમાચાર

લુબના કાબલી, મુંબઈઃ જો તમે પણ જૂનું ઘર વેચીને નવું ઘર ખરીદવા માગતા હોવ તો આવા ટેક્સ પેયર્સને ઇનકમ ટેક્સ વિભાગના એપલેટ ટ્રિબ્યુનલની મુંબઈ પીઠે તાજેતરના પોતાના ચુકાદામાં ઘણી રાહત આપી છે. ટ્રિબ્યુનલે કહ્યું છે કે ઘર પર જે તે વ્યક્તિનો કબ્જો તેની અલોટમેન્ટ ડેટથી માનવામાં આવશે નહીં કે તે ઘર માટે રજીસ્ટ્રેશન કરાવ્યું હોય તે દિવસથી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

LTCG ટેક્સમાં રાહત

લોંગ ટર્મ કેપિટલ એસેટના વેચાણથી પ્રાપ્ત લાભને લોંગ ટર્મ કેપિટલ ગેન ટેક્સ માનવામાં આવે છે. આ કેટેગરીમાં એવા જ ઘર આવે છે જેનો હોલ્ડિંગ પીરિયડ ઓછામાં ઓછો 24 મહિના હોય. એટલે કે જો કોઈ ટેક્સ પેયર્સ કોઈ ઘરને 24 મહિના સુધી પોતાના માલિકી હકમાં રાખે અને પછી વેચે તો આ વેચાણ પર જે નફો થાય તેના પર લોંગ ટર્મ કેપિટલ ગેઇન ટેક્સ ચૂકવવો પડે છે. જોકે નાણાકીય વર્ષ 2017-18 પહેલા લોંગ ટર્મ કેપિટલ ગેનની સમય મર્યાદા 36 મહિના હતી.

જાણી લો કેપિટલ ગેન્સ પર ટેક્સ છૂટનો નિયમ

ટ્રિબ્યુનલનો આ નિર્ણય એટલા માટે પણ મહત્વપૂર્ણ છે કેમ કે ટેક્સ પેયર્સને ઇન્કમટેક્સ સેક્શન 54F અંતર્ગત એક ઘર વેચવાથી પ્રાપ્ત LTCG પર ટેક્સ મુક્તિ મળી જાય છે, જો તે નિશ્ચિત સમય મર્યાદાની અંદર બીજુ ઘર ખરીદી લે છે. બીજી તરફ જો ઘરના વેચાણથી થયેલા લાભોને શોર્ટ ટર્મ કેપિટલ ગેન્સ માનવામાં આવે તો બીજુ ઘર ખરીદવા છતા ટેક્સ છૂટ નથી મળતી.

આ રીતે મળી રાહત

હવે જ્યારે એપલેટ ટ્રિબ્યુનલે સ્પષ્ટ કર્યું છે કે હોલ્ડિંગ પીરિયડની શરુઆત અલોટમેન્ટ દિવસથી માનવામાં આવવી જોઈએ. જો આમ કરવામાં આવે તો ટેક્સપેયરને ચોક્કસ ફાયદો મળશે. કેમ કે રજિસ્ટ્રેશન, ઘર મળી ગયાના ઘણા સમય બાદ થાય છે. ત્યારે ઇન્કમ ટેક્સ એપલેટ ટ્રિબ્યુનલની મુંબઈની બેંચ પાસે આવેલ કિસ્સામાં ઇન્કમ ટેક્સ વિભાગનું કહેવું હતું કે અલોટમેન્ટ પેપર ફક્ત એક ઓફર છે. જ્યારે પ્રોપર્ટી પર અધિકાર એગ્રીમેન્ટ થાય અને સ્ટેમ્પ લાગે પછી જ ગણાય.

IT વિભાગની દલીલ નકારી

એપલેટ ટ્રિબ્યુનલે ઇન્કમટેક્સ વિભાગની એ દલીલને ફગાવી દીધી અને અલોટમેન્ટ પીરિયડથી જ હોલ્ડિંગ પીરિયડ માનવામાં આવે તેવો આદેશ આપ્યો હતો. સીએનકે એન્ડ અસોસિએટ્સમાં ટેક્સ પાર્ટનર ગૌતમ નાયકે કહ્યું કે, ‘ટ્રિબ્યુનલે એકદમ યોગ્ય નિર્ણય આપ્યો છે. અલોટમેન્ટ ડેટને જ માલિકી હક્ક પ્રાપ્ત કરવાની તારીખ માનવામાં આવે. કેમ કે રજિસ્ટ્રેશનમાં પણ અલોટમેન્ટથી અલગ કોઈ શરત સામેલ નથી હોતી.’

from Page Array – I Am Gujarat http://bit.ly/2Vtr4t6