વેદાંત વિદેશમાંથી $1 અબજ એકત્ર કરશે

68772415

સૈકત દાસ

મુંબઈ:વેદાંત રિસોર્સિસ વિદેશી રોકાણકારો પાસેથી બોન્ડ્સ ઇશ્યૂ દ્વારા એક અબજ ડોલરનું ભંડોળ એકત્ર કરવા સક્રિય છે. ઇશ્યૂ આગામી થોડાં સપ્તાહમાં ખૂલશે. જેનો હેતુ હાલના ઋણનો અમુક હિસ્સો રિફાઇનાન્સ કરવાનો છે. સૂત્રોના જણાવ્યા અનુસાર વેદાંત એકત્ર કરાયેલા ભંડોળનો અમુક હિસ્સો કાર્યકારી મૂડી તરીકે પણ વાપરશે.

વેદાંતના પ્રવક્તાએ જણાવ્યું હતું કે, “વેદાંત રિસોર્સિસ બેન્ચમાર્ક સાઇઝ અમેરિકન ડોલર બોન્ડ ઇશ્યૂ કરવાની યોજના ધરાવે છે. કંપનીએ ભંડોળનો ઉપયોગ મહદ્ અંશે ડેટ રિફાઇનાન્સિંગ માટે કરવાનો પ્રસ્તાવ મૂક્યો છે.” કંપની સંભવિત રોકાણકારોને ચાલુ સપ્તાહે ન્યૂ યોર્ક, બોસ્ટન, લંડન, સિંગાપોર અને હોંગકોંગમાં મળશે. અમેરિકાના રોકાણકારો પણ બજારની ભાષામાં 144A તરીકે ઓળખાતી આ સિક્યોરિટીઝમાં રોકાણ કરી શકશે. બોન્ડ્સની મેચ્યોરિટી પાંચ વર્ષની હશે.

વેદાંતે ભંડોળ એકત્ર કરવાની જવાબદારી ક્રેડિટ સુઇસ, જે પી મોર્ગન અને સ્ટાન્ડર્ડ ચાર્ટર્ડ સહિતની વૈશ્વિક ઇન્વેસ્ટમેન્ટ બેન્કોને સોંપી છે. વેદાંતની સંપૂર્ણ માલિકીની સબસિડિયરી વેદાંત રિસોર્સિસ ફાઇનાન્સ આ બોન્ડ્સ ઇશ્યૂ કરશે. સૂત્રોના જણાવ્યા અનુસાર વેદાંત રિસોર્સિસ બોન્ડ ખરીદદારોને ગેરંટી ઓફર કરશે, જે સબસિડિયરીના નામે ઇશ્યૂ કરાયેલા પ્રસ્તાવિત ડેટ પેપર્સ ખરીદશે.

મૂડીઝે પ્રસ્તાવિત ઇશ્યૂને B2 રેટિંગ આપ્યું છે, જે ઇન્વેસ્ટમેન્ટ ગ્રેડ કરતાં પાંચ સ્તર નીચું છે. S&P બોન્ડ્સને B+ રેટિંગ આપશે એવો અંદાજ છે. ઉલ્લેખનીય છે કે, વેદાંતે 2017માં ₹1 અબજ ડોલરના બે બોન્ડ ટ્રાન્ઝેક્શન સફળતાપૂર્વક પૂરાં કર્યાં હતાં. સપ્ટેમ્બર 2017માં લોન્ચ થયેલા આ બોન્ડ્સે 6.125 ટકા વ્યાજ ઓફર કર્યું હતું. બોન્ડ્સ 2024માં પાકશે. જૂથે 2011થી 2017ના ગાળામાં 6.8 અબજ ડોલરના ડોલર બોન્ડ્સ વેચ્યા હતા. વેદાંત રિસોર્સિસ 30 સપ્ટેમ્બર 2018ના રોજ લગભગ ₹1.14 લાખ કરોડનું ઋણ ધરાવતી હતી.

from Page Array – I Am Gujarat http://bit.ly/2D39Xat