અનુષ્કા શર્માના કારણે આટલો સુધરી ગયો છે વરુણ ધવન 😲

‘કલંક’ના પ્રમોશનમાં બિઝી વરુણ

બોલિવુડ એક્ટર વરુણ ધવન હાલ પોતાની આગામી ફિલ્મ કલંકના પ્રમોશનમાં બિઝી છે. આ પ્રમોશનમાં ફિલ્મની પૂરી સ્ટાર કાસ્ટ આલિયા ભટ્ટ, સોનાક્ષી સિન્હા, માધુરી દીક્ષિત અને આદિત્ય રોય કપૂર પણ જોડાયા છે. થોડા દિવસ પહેલા જ એક ઈવેન્ટમાં વરુણને પૂછવામાં આવ્યું કે તે માધુરી દીક્ષિત સાથે હંમેશા શિષ્ટતાથી વર્તે છે સાથે જ તેને ઘણું સન્માન પણ આપે છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

વરુણમાં થયો આ ફેરફાર

આ વિશે વાત કરતા આલિયાએ કહ્યું કે કલંક દરમિયાન વરુણ ધવનમાં ઘણું પરિવર્તન આવ્યું છે. આલિયાએ કહ્યું કે આ ફિલ્મ દરમિયાન વરુણ એક યંગ છોકરામાંથી મેચ્યોર આદમી બની ગયો છે. આ કામ માટે વરુણ ધવને અનુષ્કા શર્માના વખાણ કર્યા. વરુણે કહ્યું કે તેની અંદર જે પણ ફેરફાર થયા છે તે માટે અનુષ્કા શર્મા જવાબદાર છે.

અનુષ્કાનો માન્યો આભાર

વરુણ ધવને કહ્યું કે તેની છેલ્લે ફિલ્મ સુઈ ધાગા દરમિયાન તેણે અનુષ્કા સાથે ઘણો સમય પસાર કર્યો હતો. આ દરમિયાન અનુષ્કાએ વરુણને ક્યું કે મહિલાઓ સાથે કેવો વ્યવહાર કરવો જોઈએ. તેણે આગળ કહ્યું કે આ દરમિયાન તેની અંદર પણ ઘણો ફેરફાર થયો છે. વરુણે કહ્યું કે તેની અંદર આવેલા પરિવર્તન માટે આલિયાએ અનુષ્કાનો આભાર માન્યો છે.

17 એપ્રિલે રિલીઝ થશે ‘કલંક’

અભિષેક વર્મનના ડાયરેક્શનમાં બનેલી ફિલ્મ કલંકમાં વરુણ ધવન, આલિયા ભટ્ટ, સોનાક્ષી સિન્હા, માધુરી દીક્ષિત અને સંજય દત્ત સિવાય આદિત્ય રોય કપૂર પણ મુખ્ય ભૂમિકામાં છે. ફિલ્મ 17 એપ્રિલે રિલીઝ થશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2Kfg4hU