ભાઈજાનના ફેન્સ માટે ગુડ ન્યૂઝ, આ વર્ષે રિલીઝ થશે તેની 7 ફિલ્મ

સાત ફિલ્મોમાં કામ કરી રહ્યો છે સલમાન

સલમાન ખાન બોલિવુડ ઈન્ડસ્ટ્રીના સૌથી બિઝી સ્ટાર્સમાંથી એક છે. તે દર વર્ષે એકથી એક ચઢીયાતી ફિલ્મો લઈને આવે છે. હાલ તે દબંગ સીરિઝની ત્રીજી ફિલ્મ દબંગ 3ના શૂટિંગમાં વ્યસ્ત છે. આ સિવાય તેની ફિલ્મ ભારત પણ ઈદ પર રિલીઝ થવાની છે. આ સિવાય તે ઘણી બિગ બજેટ ફિલ્મોમાં કામ કરી રહ્યો છે, જે બેક ટૂ બેક ફ્લોર પર જશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ભારત

આ એક પીરિયડ ડ્રામા ફિલ્મ છે. આ ફિલ્મમાં સલમાન ખાન પાંચ અલગ-અલગ લુકમાં જોવા મળશે. ફિલ્મનું ડાયરેક્શન અલી અબ્બાસ ઝફરે કર્યું છે. ફિલ્મનું ટ્રેલર ટૂંક સમયમાં જ લોન્ચ થશે. આ ફિલ્મમાં સલમાન ખાનની ઓપોઝિટમાં કેટરીના કૈફ જોવા મળશે. આ સિવાય સુનીલ ગ્રોવર, જેકી શ્રોફ અને દિશા પટણી પર મુખ્ય ભૂમિકામાં છે.

દબંગ 3

હિટ ફ્રેન્ચાઈઝી દબંગના ત્રીજા પાર્ટનું શૂટિંગ મધ્યપ્રદેશના મહેશ્વરમાં શરુ થઈ ગયું છે. ફિલ્મમાં સલમાન ખાનના ઓપોઝિટમાં સોનાક્ષી સિન્હા જોવા મળશે. મહેશ્વરમાં ફિલ્મનું ટાઈટલ સોન્ગ શૂટ કરવામાં આવ્યું છે. જેની કેટલીક તસવીરો સોશિયલ મીડિયામાં વાયરલ થઈ છે.

ઈંશાઅલ્લાહ

સલમાને થોડા દિવસ પહેલા જ ટ્વીટ કરી જાણ કરી હતી કે તે સંજય લીલા ભણસાલીની ફિલ્મમાં કામ કરી રહ્યો છે. આ ફિલ્મમાં તે આલિયા ભટ્ટ સાથે રોમાન્સ કરતો જોવા મળશે. ફિલ્મની સ્ટોરી લવ સ્ટોરી પર આધારિત છે. ઉલ્લેખનીય છે કે 20 વર્ષ બાદ ભણસાલી અને સલમાન ખાન સાથે કામ કરશે.

વેટરન

સલમાન ખાને એક ઈન્ટરવ્યૂમાં જણાવ્યું હતું કે તે વેટરન હિંદી રિમેકમાં કામ કરી રહ્યો છે, આ એક સાઉથ કોરિયન ફિલ્મ છે. અતુલ અગ્નિહોત્રીએ ફિલ્મના રાઈટ્સ ખરીદી લીધા છે. તેમણે કહ્યું કે તે એક સારી ફિલ્મ છે. ભણસાલીની ફિલ્મનું શૂટિંગ પૂરુ થયા બાદ આ ફિલ્મનું શૂટિંગ શરુ કરાશે.

ટાઈગર ઝિંદા હૈ-3

એક થા ટાઈગર અને ટાઈગર ઝિંદા હૈ, આ બંને ફિલ્મો બોક્સ ઓફિસ પર હિટ ગઈ હતી. સઉદી ફિલ્મ ફેસ્ટિલમાં ઉપસ્થિત રહેલા સલમાને કહ્યું હતું કે કેટરીના તેની ફેવરિટ કો સ્ટાર છે અને ભારત ફિલ્મ બાદ બંને આ ફિલ્મમાં સાથે કામ કરશે.

સૂરજ બડજાત્યાની ફિલ્મ

પ્રેમ રતન ધન પાયો ફિલ્મની સફળતા બાદ સલમાને સૂરજ બડજાત્યાની વધુ એક ફિલ્મ સાઈન કરી છે. એક ઈન્ટરવ્યૂ દરમિયાન સૂરજે જણાવ્યું હતું કે, ‘મેં સલમાન સાથે આ ફિલ્મ અંગે વાત કરી છે. આ એક ફેમિલી ડ્રામા ફિલ્મ હશે. આમા કોઈ પણ એક્શન સીન નહીં હોય’.

કિક-2

સલમાન ખાનની કિક 2014માં રિલીઝ થઈ હતી. હવે આ ફિલ્મની સીક્લવ બનાવવાની જાહેરાત થઈ ચૂકી છે. આ અંગેની જાહેરાત સાજિદ નાડિયાદવાલાએ પોતે કરી હતી. જેક્લિને પણ આ ફિલ્મની સીક્વલ બનવાની હોવાની વાત એક ઈન્ટરવ્યૂમાં કરી હતી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2UA2IRf