પ્રત્યેક ત્રીજા પુરુષમાં સેક્સ હોર્મોન્સની ઉણપઃ સર્વે

આપણે ત્યાં મોટાભાગાના પુરુષોને આ સમસ્યા હોય છે પણ હળવામાં લે છે…

નવી દિલ્હીઃ તાજેતરમાં થયેલા એક સંશોધન અભ્યાસ મુજબ 40 વર્ષથી વધુ ઉંમરના દરેક ત્રીજા પુરુષને સેક્સ્યુઅલ હોર્મોનની સમસ્યા છે. જેને ટેસ્ટોસ્ટેરોન ડેફિશિયન્સી સિન્ડ્રોમ(TDS) કહે છે. 745 લોકો પર કરામાં આવેલ અભ્યાસમાં જણાયું કે દરેક ત્રીજા વ્યક્તિને આ સમસ્યા છે અને તેમ છતા ઈલાજ માટે આગળ નથી આવતા. જ્યારે હવે સ્ત્રીઓની જેમ પુરુષોમાં પણ સેક્સ હોર્મોન્સ રીપ્લેસમેન્ટ સંભવ થઈ ગયું છે. અભ્યાસમાં સામેલ પુરુષો પૈકી 60.17 ટકા પુરુષોને TDSની આ સમસ્યા છે. ડાયાબિટિઝ, હાઇપરટેન્શન અને હાર્ટના દર્દીઓને TDSની સમસ્યા વધુ છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પુરુષોમાં સેક્સ્યુઅલ ક્ષમતા માટે જરુરી છે ટેસ્ટોસ્ટેરોન

ટેસ્ટોસ્ટેરોન પુરુષોમાં સેક્સ્યુઅલ ક્ષમતા બનાવી રાખે છે. પરંતુ જ્યારે તેની ઉણપ સર્જાય છે. ત્યારે સેક્સ અંગે જોડાયેલ અનેક સમસ્યાઓ શરુ થાય છે. પુરુષોમાં 40ની ઉમર પછી ટેસ્ટોસ્ટેરોનનું લેવલ 0.4થી 2.6 ટકા જેટલું ઓછું થઈ જાય છે. ડોક્ટર્સ મુજબ પુરુષોમાં આ સમસ્યા સતત વધી રહી છે. ડોક્ટર્સ મુજબ સેક્સ પ્રત્યે રુચિ, સેક્સ માટેની સ્ટેમિના, સ્ટ્રેન્થની ઉણપ આ ત્રણ લક્ષણોને આધારે 48.18 ટકા પુરુષોમાં ટેસ્ટોસ્ટેરોનનું પ્રમાણ ઓછું જોવા મળ્યું હતું. પરંતુ જ્યારે તેમનું બાયોકેમિકલ ટેસ્ટ કરવામાં આવ્યા ત્યારે આ આંકડો વધીને 60.17 ટકા થઈ ગયો છે.

પ્રત્યેક ત્રીજો વ્યક્તિ સેક્સ હોર્મોન્સની ઉણપથી પીડિત

દિલ્હીના ગંગારામ હોસ્પિટલના યુરોલોજી વિભાગના ડોક્ટર સુધીર ચઢ્ઢાએ કહ્યું કે આ અભ્યાસમાં સ્પષ્ટ જોવા મળે છે કે આપણા સમાજમાં પ્રત્યેક ત્રીજા વ્યક્તિને આ બીમારી જોવા મળે છે.

ડાયાબિટિઝ, બીપી અને હાર્ટના રોગીમાં શક્યતા વધુ

અભ્યાસ મુજબ જે પુરુષોને ડાયાબિટિઝ, કે પછી બીપી કે હૃદયરોગને લગતી બીમારીની સમસ્યા હતી તેમનામાં TDSની સમસ્યા વધુ જોવા મળી છે. ડૉક્ટર્સ મુજબ એવા લોકો જેમની ઉંમર વધારે છે અને ડાયાબિટિઝ, હૃદયરોગ, બીપી, વિટામિન-ડીની ઉણપ જેવી સમસ્યાથી પીડાતા પુરુષો દરવર્ષે પોતાની TDS પ્રોફાઇલ કરાવવી જોઈએ.

સામાજીક શરમને ભૂલીને ઈલાજ માટે પુરુષોએ આગળ આવવું

ડૉ. મૃણાલ પહવા કહે છે કે લોકોને ખબર પડી જાય છે કે તેમના શરીરમાં સેક્સ હોર્મોન્સની ઉણપ છે તમ છતા સમાજના ડર કે શરમથી ડોક્ટર્સ પાસે જવાથી દૂર રહે છે. લોકોએ એ ભલવું જોઇએ નહીં કે આ એખ બીમારી છે અને તેની સારવાર અન્ય બીમારીની જેમ એ સારવાર જ છે. આજે તો હવે હોર્મોન રિપ્લેસમેન્ટ પણ શક્ય બની ગયું છે.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2GqTfDP