ઈન્ડસ્ટ્રીમાં અત્યારનો સમય મહિલાઓ માટે બેસ્ટ : કૃતિ સેનન

5 વર્ષમાં કૃતિએ મેળવી અપાર સફળતા

કૃતિ સેનન તાજેતરમાં જ ફિલ્મ ‘લુકા-છિપી’માં સિલ્વર સ્ક્રિન પર જોવા મળી હતી. ફિલ્મમાં તેની કાર્તિક આર્યન સાથેની જોડીને ખૂબ પસંદ કરવામાં આવી હતી. કૃતિએ 2014માં બોલિવૂડમાં ડેબ્યૂ કર્યું હતું અને પાંચ વર્ષના નાના સમયગાળામાં તેણે ખૂબ જ લોકપ્રિયતા મેળવી લીધી છે. હમણાં જ કરણ જોહરની ફિલ્મ ‘કલંક’નું ગીત ‘એરા ગૈરા’ રિલીઝ થયું જેમાં કૃતિ કમાલ કરી રહી છે. હવે તેણે એક ઈન્ટરવ્યુમાં મેલ અને ફિમેલ એક્ટર્સને મળવનારા પૈસામાં અંતર વિશે વાત કહી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

‘ઈન્ડસ્ટ્રીમાં સુધરી છે મહિલાઓની સ્થિતિ’

કૃતિએ કહ્યું કે, તેનું માનવું છે કે, પૈસાની વાત એ રીતે નક્કી થવી જોઈએ કે, તમે ફિલ્મમાં કેટલી મહેનત કરી રહ્યાં છો અને તમારી ફિલ્મો બૉક્સ ઑફિસ પર કેવું પ્રદર્શન કરી રહી છે. તેણે આગળ કહ્યું કે, સ્થિતિ ઘણી સારી થઈ છે અને મહિલાઓને સારા પૈસા મળવા લાગ્યા છે પણ હજુ લાંબું અંતર કાપવાનું બાકી છે.

‘લોકો વુમન સેન્ટ્રીક ફિલ્મો પસંદ કરી રહ્યાં છે’

કૃતિને પૂછવામાં આવ્યું કે, શું તેને લાગે છે કે, ઈન્ડસ્ટ્રીમાં મહિલા પાત્રો પ્રત્યે દૃષ્ટિકોણ બદલાયો છે. આ અંગે કૃતિએ જવાબ આપ્યો કે, ‘બિલકુલ, મહિલાઓ માટે ઈન્ડસ્ટ્રીમાં આ સૌથી સારો સમય છે અને આના માટે દર્શકોનો આભાર માનવો જોઈએ. મહિલાઓ પર બેઝ્ડ ફિલ્મોને પસંદ કરવામાં આવી રહી છે અને તેની કમાણી પર મોટા મેલ એક્ટર્સ જેટલી છે.’

સફળતાથી મળે છે પ્રેરણા

કૃતિએ કહ્યું કે, આજના સમયમાં કૉન્ટેન્ટ જ સૌથી મહત્વપૂર્ણ છે. ‘લુકા-છિપી’ની સફળતા બાદ કૃતિએ કહ્યું કે, બૉક્સ-ઑફિસની સફળતા તેને પ્રેરિત કરે છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2IAEL5W