શાનદાર છે BMWની નવી Z4, કિંમત 65 લાખ

શાનદાર છે BMWની નવી કાર

BMWએ પોતાની નવી Z4 Roadster ભારતમાં લોન્ચ કરી દીધી. 2019 BMW Z4 Roadsterને બે વેરિયન્ટ (sDrive20i અને M40i)માં ભારતીય બજારમાં ઉતારવામાં આવી છે. તેની એક્સ શોરૂમ કિંમત ક્રમશઃ 64.90 લાખ અને 78.90 લાખ રૂપિયા છે. આવો તમને જણાવીએ આ શાનદાર કાર વિશે…

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પાવર

બે સીટર BMW Z4 M40i વેરિયન્ટમાં 3.0 લીટર, ઈનલાઈન 6-સિલિન્ડર, ટર્બો પેટ્રોલ એન્જિન છે. આ એન્જિન 340hpનો પાવર અને 500Nm પીક ટોર્ક જનરેટ કરે છે. Z4 sDrive20i વેરિયન્ટમાં 2.0 લીટર, 4 સિલિન્ડર, ટર્બો પેટ્રોલ એન્જિન છે, જે 197hpનો પાવર અને 320Nm ટોર્ક જનરેટ કરે છે. બંને એન્જિન 6-સ્પીડ ઓટોમેટિક ગિયરબોક્સથી લેસ છે.

સ્પીડ

આ શાનદાર કારનું M40i વેરિયન્ટ માત્ર 4.5 સેકન્ડમાં 0થી 100 કિલોમીટર પ્રતિ કલાકની ઝડપે સ્પીડ પકડી શકે છે. તેની ટોપ સ્પીડ 250 કિલોમીટર પ્રતિ કલાકની છે. જ્યારે sDrive20i વેરિયન્ટ 6.6 સેકન્ડમાં 0થી 100 કિમી પ્રતિ કલાકની સ્પીડ પકડે છે. તેની ટોપ સ્પીડ 240 કિમી પ્રતિ કલાકની છે.

માઈલેજ

કંપનીનો દાવો છે કે, BMW Z4 M40iની માઈલેજ 12.82 કિમી પ્રતિ લીટર અને Z4 sDrive 20iની માઈલેજ 14.37 કિમી પ્રતિ લીટર છે.

સ્ટાઈલિંગ

નવી BMW Z4 ઘણી અગ્રેસિવ દેખાય છે. તેના ફ્રન્ટમાં પહોળી કિડની ગ્રિલ, લાંબું બોનેટ અને એલઈડી હેન્ડલેમ્પ છે. કારમાં 18 ઈંચ કે 19 ઈંચના અલોય વ્હીલ્સનો ઓપ્શન છે. રિયરમાં શાર્પ ટેલલાઈટ, ગ્લોસ બ્લેક ફિનિશ બંપર અને ટ્વિન એક્ઝોસ્ટ પાઈપ છે.

ફીચર્સ

BMWએ કારમાં એમ્બિએન્ટ લાઈટ ફંક્શન, ડ્યુઅલ ઝોન ક્લાઈમેટ કન્ટ્રોલ, વાયરલેસ ચાર્જિંગ, 10.25 ઈંચ ડિજિટલ ઈન્સ્ટ્રુમેન્ટ ક્લસ્ટર, ફન્ટ અને રિયર પાર્કિંગ ડિસ્પ્લે, 12 સ્પીકર હાર્મન કાર્ડન સિસ્ટમ જેવા ફીચર્સ અપાયા છે. તે ઉપરાંત તેમાં ડ્રાઈવર અને પેસેન્જર માટે ફ્રંટ અને સાઈડ એરબેગ્સ, બ્રેક અસિસ્ટની સાથે એબીએસ, ડાયનામિક સ્ટેબિલિટી કન્ટ્રોલ, કોર્નિંગ બ્રેક અસિસ્ટ, સાઈડ-ઈમ્પેક્ટ પ્રોટેક્શન અને ક્રેશ સેન્સર સહિત અન્ય સેફ્ટી ફીચર્સ છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2G2tBDR