રચીતા પ્રસાદ
મુંબઈ:ટાટા પાવર કંપનીને વિશ્વાસ છે કે તેના ખોટ કરતા મુંદ્રા યુએમપીપીને પણ ઊંચા ટેરિફ માટે નિયમનકારી મંજૂરી મળી જશે. સેન્ટ્રલ ઇલેક્ટ્રિસિટી રેગ્યુલેટરી કમિશન (સીઇઆરસી)એ અદાણી પાવરના મુંદ્રા પ્લાન્ટને આયાતી કોલસાનો ખર્ચ ગ્રાહકો પર નાખવાની મંજૂરી આપ્યા પછી ટાટા પાવર આવું માને છે.
ટાટા પાવરે પણ કોલસાના ભાવમાં થયેલા વધારાનું કારણ આપીને ટેરિફ વધારવા માટે અરજી કરી હતી તેથી તે અનુકુળ નિર્ણયની અપેક્ષા રાખે છે. જોકે, ટાટા પાવર જે પાંચ ડિસ્કોમને વીજળી વેચે છે તેને આ અંગે સહમત કરવાની બાકી છે. એક વખત ગ્રાહકો સાથે સર્વાનુમત સાધી શકાય ત્યાર બાદ તે રેગ્યુલેટર સમક્ષ પિટિશન દાખલ કરી શકશે.
તાજેતરના સીઇઆરસીના ચુકાદા વિશે ટિપ્પણી કરતા મેનેજિંગ ડિરેક્ટર અને ચીફ એક્ઝિક્યુટિવ ઓફિસર પ્રવીર સિંહાએ જણાવ્યું કે, “એક કંપની માટે એક વખત ટેરિફ મંજૂર થઇ જાય ત્યાર પછી તે જ સિદ્ધાંત પર રેગ્યુલેટરે બીજી કંપનીને પણ મંજૂરી આપવી પડે. અમારા કેસ અને તેમના કેસ વચ્ચે કોઇ તફાવત નથી. ફરક માત્ર એટલો છે કે અમારા પાંચ ગ્રાહકો છે જેઓ સહમત થવા જરૂરી છે જ્યારે તેમના ફક્ત એક ગ્રાહક છે.”
સીઇઆરસીએ શુક્રવારે અદાણી પાવરના મુંદ્રા પાવર પ્લાન્ટ યુનિટની 2000 મેગાવોટ વીજળી માટે ઊંચા દર મંજૂર કર્યા હતા, જે ગુજરાત ઉર્જા વિકાસ નિગમને વીજળી વેચે છે. અદાણી પાવર આયાતી કોલસાનો ઊંચો ખર્ચ ગ્રાહકો પર નાખી શકશે. અદાણી પાવરનો મુંદ્રા પ્લાન્ટ ટાટા પાવરના કોસ્ટલ ગુજરાત પાવર પ્લાન્ટની જેમ આયાતી કોલસા પર આધારિત છે. ઇન્ડોનેશિયાએ કોલસાના ભાવ માસિક ધોરણે, બજારના પરિબળોના આધારે નક્કી કરવાનો નિર્ણય લીધો ત્યાર બાદ બંને કંપનીઓને અસર થઈ છે.
ઇન્ડોનેશિયામાં કોઇ લાઇસન્સ ધારક નિશ્ચિત કરાયેલા ભાવથી નીચા ભાવે કોલસો નહીં વેચી શકે. તેના કારણે મુંદ્રા પાવર યુનિટની ખોટમાં વધારો થયો હતો કારણ કે તેઓ ગ્રાહકો પર ખર્ચ લાદી શકતા નથી.
ટાટા પાવર હાલમાં મુંદ્રા પાવર પ્લાન્ટમાં ₹1500 કરોડની ખોટ કરે છે. ₹2.80 પ્રતિ યુનિટની જગ્યાએ ₹3.10 પ્રતિ યુનિટ ટેરિફ વસુલ કરવાથી ખોટમાં 50 ટકા ઘટાડો કરી શકે તેવી આશા છે. ગુજરાત ડિસ્કોમે દરખાસ્ત મંજૂર કરી છે, કંપનીને હવે મહારાષ્ટ્ર, હરિયાણા, રાજસ્થાન અને પંજાબ પાસેથી મંજૂરી મેળવવી જરૂરી છે. સીઇઆરસીનો ઓર્ડર એ બાબત પર ભાર મૂકે છે કે આ પ્રોજેક્ટ્સમાં મુશ્કેલીનો સામનો કરવા માટે દરેક હિતધારકના યોગદાનની જરૂર પડશે.
સિંહાએ જણાવ્યું હતું કે, “આ તમામ રાજ્યો જાણે છે કે ટેરિફમાં વધારો થવા છતાં મુંદ્રા નીચા ભાવે વીજળી ઓફર કરે છે. આ સિવાય બીજા કોઈ પણ વૈકલ્પિક સોર્સના ભાવ ઊંચા છે. અમે રાજ્યો સાથે વાત કરીએ છીએ પરંતુ ચૂંટણીઓના કારણે મુખ્યમંત્રીઓ અને મંત્રીઓ ચૂંટણી પ્રચારમાં વ્યસ્ત છે. ચૂંટણી પછી આ કરવામાં આવશે તેવી આશા રાખીએ છીએ.”મુંદ્રામાં ટાટા પાવરનો 4150 મેગાવોટનો અલ્ટ્રા-મેગા પાવર પ્લાન્ટ ભારતની કુલ વીજળીની જરૂરિયાતના બે ટકાને સંતોષે છે.
from Page Array – I Am Gujarat http://bit.ly/2KJ30S1
No comments:
Post a Comment