હૈદરાબાદઃ શેન વોટસન ચેન્નઈ સુપર કિંગ્સનો સ્ટાર પ્લેયર રહ્યો છે. જોકે ઈન્ડિયન પ્રીમિયર લીગ 2019માં તેનું બેટ એકદમ શાંત રહ્યું હતું. મંગળવારે ચેન્નઈ સુપરકિંગ્સનો આ સીઝનનો 11મો મુકાબલો હતો. જેની સામે સનરાઈઝર્સ હૈદરાબાદ હતું. પૂર્વ ઓસ્ટ્રેલિયન ખેલાડી હવે માત્ર બેટ્સમેનના ભરોસે જ છે. આવા વાતાવરણમાં તેનું રન ન બનાવવું એ ચેન્નઈ માટે સારા સંકેત નથી. તેણે આ મેચ પહેલા માત્ર બે વાર ત્રીસ રનનો સ્કોર પાર કર્યો અને તેનો ઉચ્ચ સ્કોર 44 રન રહ્યો છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
ધોનીએ જાળવી રાખ્યો ભરોસો
જોકે, ધોની અને ટીમ મેનેજમેન્ટે વોટ્સન પર ભરોસો જાળવી રાખ્યો. તેણે વોટ્સનને પ્લેઈંગ ઈલેવનમાં રાખ્યો. ધોનીએ મેચ પછી કહ્યું કે વોટ્સન જેવા ખેલાડી પર તમારે ભરોસો રાખવો જોઈએ કારણકે એક વાર રંગમાં આવ્યા પછી તેને રોકવો મુશ્કેલ છે.
ભરોસા પર ખરો ઉતર્યો વોટ્સન
મંગળવારે વોટ્સને એ વાતને સાબિત કરી કે અનુભવની કોઈ જ કિંમત હોતી નથી અને તેની પર લગાવેલો ભરોસા પર ખરો ઉતર્યો. 38 વર્ષના આ ખેલાડીએ 53 બોલ પર 96 રન બનાવીને ચેન્નઈને જીત અપાવી હતી.
હૈદરાબાદે કર્યા હતા 175 રન
હૈદરાબાદને પહેલા બેટિંગ કરવાનું આમંત્રણ મળ્યું હતું. મનીષ પાંડેના 83 રનની મદદથી ત્રણ વિકેટ પર 175 રન ખડક્યા હતાં. ચેન્નઈનો સ્કોર માત્ર ત્રણ જ રન હતો જ્યારે ફાફ ડુ પ્લેસિસ રન આઉટ થઈ ગયો. જોકે, વોટ્સન જામી ગયો. તેણે સનરાઈઝર્સના કોઈ જ બોલરને સેટ થવા ના દીધા. લેગ સ્પિનર રાશિદ ખાનના પહેલા બોલ પર જરુર અસહજ લાગ્યો પછી તેણે જવાબી હુમલો કર્યો હતો.
સુરેશ રૈના સાથે પાર્ટનરશિપ
વોટ્સને સુરેશ રૈના સાથે મળીને 77 રન બનાવ્યાં હતાં. રૈનાએ 24 બોલ પર 38 રન બનાવ્યાં. જે પછી અંબાતી રાયુડૂએ 25 બોલ પર 21 રન બનાવ્યાં હતાં. બન્નેએ ત્રીજી વિકેટ પર 80 રન બનાવ્યાં.
પાંચમી સદીથી ચૂક્યો પણ ટીમને અપાવી જીત
વોટ્સન આઈપીએલમાં પોતાની પાંચમી સદીથી માત્ર ચાર જ રન દૂર હતો જ્યારે તે ભુવનેશ્વર કુમારના બોલ પર 96 રન બનાવીને જોની બેયરસ્ટોના હાથે કેચ આઉટ થયો હતો. જોકે, ચેન્નાઈને 17 બોલ પર 16 રન જોઈતા હતાં. વોટ્સને મેચ પછી કેપ્ટન ધોની અને કોચ સ્ટીફન ફ્લેમિંગનો આભાર પણ વ્યક્ત કર્યો હતો. જેમણે તેના પર ભરોસો જાળવી રાખ્યો હતો.
from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2W5aZKt
No comments:
Post a Comment